急:關於政府醫院做試管嬰兒排期問題!

2009-10-15 10:50 am

我由2009.3月份去左家計會(正實左我2邊輸卵管都塞左+有朱古力瘤又返發)
2009.5月.轉介到威爾斯
2009.7月.接見左醫生.醫生又轉介我到北區醫院做朱古力瘤手術.期間我依然係睇緊威記生育輔助科.
2009.10月.去威記生育輔助科聽講座.(為什麼不育講座)
2010.3月.正式做朱古力瘤手術
2010.10月.第2次到威記接見醫生

今日我去聽生育輔助科講座.問左講座姑娘.2010.10月係咪可以做管嬰兒喇!佢話

唔係.只係接見醫生睇你需唔需要做管嬰兒.當時我呆左.究竟我仲要等幾年?!

我時間等得.我年幾等唔到.而私家醫院我又俾唔起金錢...T.T

其實威記係咪比其他(瑪麗、廣華)要等得耐d架?

我想問下我依家咁既情況.可唔可以從新由私家寫轉介信到(瑪麗or 廣華)? 因為

我聽人講(瑪麗)會快d.所以我依家想照排期威記同時可以轉介到瑪麗醫院2間醫院

一齊排期.

唉....!!!!!我真係好煩.有冇人可以教我應該點做??????????????????? thx

有冇人做過試管嬰兒可以交流下? 可以add我msn: [email protected]

回答 (1)

HongBert

2009-10-24 12:34 pm

✔ 最佳答案

全香港係得幾度地方有得做公家既人工受孕, 我印象中威記好似係冇得做喎... （詳情可上網check到）

因為你咁多樣野, 要慢慢排期先清理朱古力瘤等等先可以再排期做人工受孕. 你知啦, 人工受孕咁高科技好鬼貴, 若本身問題未解決, 做黎都係side 錢, 所以點解要清理左其他野先law.

你預計，到去排期做人工受孕時，要再排約１年至兩年，要留意，唔可以過４０歲，否則完全會唔理你。另外，到排到喇，佢只會用幾星期時間去想盡辦法用唔同方法幫你懷孕，但若都係唔得，幾星期時間過後，就會close file，唔會再替你無限咁做或嘗試落去。

無計啦！出面私家搞，當然可以無限咁試啦！但下下幾十萬至百幾萬上落，死都唔掂。排政府，又真係排到收經都唔掂。

窮人無得揀，認命吧啦！（我都係）

陰險Ｄ既，你睇下搵唔搵到一個響瑪麗那區的地址（即係「你住響」同一區），直接走上瑪麗登記排期，睇下得唔得啦！

👍 0 👎 0