升學問題...環境科學同生物科學

1環境科學同生物科技..le兩科都好似無得係mc讀，我唔想番大6讀...我想問我應該讀咩大學好?
大學雖然話係教學，但同中學有少少唔同，中學係必須，但大學就有D似投資。你願唔願意花4年既錢，放棄4年揾錢既時間，換一個薪金較好既工作？
有D嘢係，興趣同出路既問題。有人得4年係好既，應該做一D自己鍾意做既嘢，唔應該咁膚淺睇錢，要睇下夢想。有料既去邊度發展都得。但有人覺得，一個星期可以唔畫畫，但係一個星期唔可以唔食飯，即使自己唔食屋企人都要食。我立場比較偏向後者。
其實當地大學都有提示，呢個地方唔需要呢個行業科既存在，咁當地大學就唔會有呢一科。就好似點解大陸冇博彩管理讀，因為大陸博彩係犯法LOL。除佢有澳門或其他賭國既證件，否則佢讀完返去都冇用。環境科學，你將來想做乜？生物科技，你將來想做乜？咁你要睇返有幾多空缺。你做唔做到你正行，做唔到咁同中學生有乜分別？
應該讀咩大學？當你報名時，台灣又好，大陸又好，佢會俾本書你，佢地有該學校既名同學系。到時既資料係最齊，咁你既決定會好D。之後佢地有至少一個星期你去再諗。夠時間你去決定。你先去温書先。

温習資料如下
A）按「2009年澳門區報考問題解答(錄取及入學篇)」呢個有齊大陸參考書要買邊本。
http://www.gaes.gov.mo/big5/contentframe.asp?content=./admission2
B）呢個係台灣既試卷，有齊1994年至2009年既入學試題
http://www.ceec.edu.tw/AbilityExam/AbilityExamStat/98SATStat/98SATStatIndex.htm
C）澳大會係每2年出書，叫澳大試題，係書局會揾到
D）IFT係入學試時會俾試卷你温，唔駛擔心
E）科大係垃圾學校，冇人要温入學試
F）香港既大學係要你自己去寄資料，毌須入學試，但佢地話哂，會數收咗你數又唔收你為徒。

2.家庭條件唔算太差...但係去英國,澳洲le d都係一個負擔..半工讀得唔得le?
A)英國：有葡籍係歐洲國家住夠3年，學費會大約4-5萬一年，冇葡籍或未住夠，垃圾學校學費14萬一年，名校要20萬一年。租金約1300蚊一星期。生活費、交通費，全部係澳門3倍。學生可以做PART TIME，但最多做20小時，一般黎講新黎英國既，英文又唔夠勁既，係做最低工資。即係剛夠租金。冇可能半工讀。而經濟勁差，冇人有工做。歐盟其他國家一樣，只係物價係澳門既2倍。

B)美國：學費6萬一年，保險費一定要俾，為2萬一年，租金約3000蚊一個月。生活費、交通費，會係澳門相近（鄉村地區）或2倍（城市地區）。學生唔可以做PART TIME。

C)澳洲：唔知，未去過

D)台灣：學費5000-6000一年，可以做PART TIME，但要申請先可以做。人工會低澳門少少。留學資料如下：http://www.hkedcity.net/article/future_overseas/030627-014/

E)大陸：學費5000-6000一年，生活費較平，可以做PART TIME，但得幾百元一個月，所以冇人肯做。返黎澳門學位認受性不足。一定要讀名校。

F)澳門：學費22000一年，科大3-4萬，可盡情做PART TIME，而且做完PART TIME，佢地好多時全職會請返你，即係畢業後揾工做會易D。加上食住家菜，又住係屋企，花費唔大。再加上某些學系有交流生課程，即俾澳門學費，去外國讀半年。想知多一D交流生課程，可以EMAIL俾我。