意粉煮法一問!係意粉本身

煲一煲 水，滾起放一茶匙鹽，(唔須要落油，鹽會令水既密度改變，所以係冇咁易痴埋一齊，)放意粉落水，水滾轉小火，打開蓋。時間要睇你果隻粉既粗幼度，好似上面講，大部份既包裝都會寫左要煮幾耐(但唔係全部，外國入口的多數有)，但只可作參考，約減一分鐘，最好係如佢寫7 分鐘，你就5 - 6 分鐘攞條試下，整斷佢中間，如有一點白，以我地中國人既口味就會過過硬，最好係中間果點已變透明，但要見到有點透明，如果連果點都見唔到就會過淋。好重要。
滾好即時用個筲箕隔去水份，放適量橄欖油 ，份量係可令每條粉都有油就可以，要趁熱，如果唔係就會痴埋一齊。就可備用。忠告 ::::
過冷河係中國人既做法，鬼佬係唔會過冷河 ga 。而用油包著 d 粉，會令 d 粉同醬汁入面 d 水份隔開，冇咁易變淋。
上面有位話煲 5 分鐘，再焗 17 分鐘，如果俾小朋友食應該都幾好既。

唔明再問

其實一般意粉上既包裝都有講明要煮幾多分鐘Ga,

你要睇反你買既意粉既粗幼度.同種類.咁煮既時候就容易得多!

如果包裝上表示要煮 8分鐘的話,你大概煮 7分鐘到就可以.因為你

要再放回煮好既汁到再煮 1分鐘,咁口感應會係最好!

記住不用過冷河,煮好既意粉即放回汁料到就可以.你試試啦!

你先煲一大煲滾水(水份要多蓋過意粉)，你可以用鑊，水滾後放一茶匙鹽及一湯匙油，然後放入意粉，再煲至水滾，再煲大約5分鐘，係果段時間間中搞搞d意粉，最後要全部意粉浸倒係水裡面，熄火焗大約17分鐘，焗完後將意粉倒入筲箕過冰過，即係放係水喉沖水，咁就完成。

煮意粉係要煮滾咗水先落意粉, 初時要用筷子搞下佢, 等佢地唔好痴埋, 滾大約八分鐘左右 (唔好蓋密個蓋, 唔係會滾瀉), 然後熄火由佢焗下 (宜家個蓋可以蓋實), 你可以時不時試下夠腍未, 夠腍嘅話用凍水 (或 tap water) 過一過 d "san", 咁就腍得嚟有口感喇