我的情況同你差唔多, 我應該比你煩比你復雜,因有我亞媽夾在中間,他要我二選一.
我已結婚廿幾年,現在大仔跟佢,細女跟我.佢仍然好錫我地,日日有見面有聯絡.一樣負責屋企開支,只是不一起住.
佢的分開理由是"頂唔順"家庭壓力,他要自由,加上同我亞媽水火不容.
起初我都好唔甘心,廿幾年才話"頂唔順."? 我發晒矛,我越迫佢,佢就越堅持離婚.
後來我慢慢平心靜氣諗,我們很細就結婚,柴米夫妻百事哀,廿幾年來他克苦耐勞的為屋企,
對我同D仔女都好好;家庭、經濟壓力都好大,現在仔大女大(仔廿歲女十一歲),還有其他種種原因(家家有本難諗的經),可能他想換個方式生活. 所以我開始睇開D,放鬆D去面對,唔比壓力佢,盡量用佢想要的輕鬆方式生活,祈望明天會更好.
lilyz0z0你要冷靜,好好諗吓問題所在(只要唔係因第三者的話), 你的他應仍是愛同關心你地,
唔好放棄,努力生活,無論將來如何,你的女兒很需要你.
2009-10-26 01:30:14 補充：
希望我的經歷可給你啟發,不要給自已壓力,其他的回答者都有很好提意及見解, 他們都很支持你. 如有須要可找社工或婚姻輔導傾吓,他們有更多專業意見,及有助找出問題所在.
如需找同路人傾訴可e-mail我.
一於比心機湊大個女，呢個世界冇話冇邊個唔得。只要和個女開開心心，後悔的人永遠不會是你。振作！
你說你的丈夫變了心,對你無感覺,叫你讓他走,但又說不是不理你們母女,只是轉另一個方式去愛你們,這兩天他有主動同你說話,是否應該以朋友身份對待?
看到你的問題有些混亂,是否現在只是夫妻冷戰,你丈夫並無離家出走,亦沒有第三者搶走丈夫吧!
如果他愛這個家,亦很愛他的女兒,亦不是出現第三者,無可能無端端的竟然說出對你無感覺,求你讓他走的說話呀!
夫妻兩人性格無可能一樣,大家原本的生活習慣都唔同,所以結婚後一定要互相遷就,互相適應,如果永遠都是一方遷就另一方的話,到忍無可忍時就有可能發生冷戰了,可能你有些處事態度令他無法接受,大家爭吵時說出憤懣的說話吧!
既然這兩天他主動跟你說話,大家不要再提不開心的事了,對他多些關懷體貼就回復夫妻感情了!
你說什麼以朋友身份對待呀?
你們是夫妻喎,應該像好朋友一樣互相體諒,不要似普通朋友咁漠不關心呀!
夫妻爭吵的說話不要太認真,如果你誓不低頭只有導致婚姻破裂吧!
我覺得你都係做好自己先, 可以做的事好多.
1.令自己開心快樂
2. 令自己每日都過得充實
3. 扮靚kit fit不要放棄自己外表
4. 增值
為自己而努力過生活, 先唔好想住要為左做比人睇, 自己開心先有能力感染人地
其次係唔好執著 "要令變心男再愛自己" 呢件事上. 人地點諗你改變唔到, 每個人都是個體, 你能力可以做到只有改變你自己, 做到已好好, 你會慢慢快樂, 但永遠執著於要想人地點點點, 慢慢你忘記令自己快樂, 只會越來越痛苦, 而你亦無能力去感染人.
一起去教會, 一切交給主, 從禱告中求主祝福你們一家, 為你們開路.
如可令一個変心男人再次愛自己?
1) 用誠意去打動佢
2) 改變你自己性格 / 對佢態度
3) 比以前更愛佢, 對佢付出更多
4) 攬新意思 : 去旅行 .....
5) 系其他方面改善下 : 性 / 說話方式或者其他
心變了, 就是變了...
如果外邊有第三者, 還好, 有天佢還是覺得你最好, 還是會回頭吧. 但到時, 你心會舒服嗎? 有一次第三者, 難保無第二次, 第三次...
如果係其他問題, 例如: 心淡, 時間越長越發現唔夾呀咁....冇啦, 佢都開到口叫你放佢走, 如果佢有心跟你一生一世, 就會係有問題方面和你一齊解決吧....
命運和幸福係自己爭取既, but唔係向一個叫你放佢走, 對你冇feel既人囉....
你女7歲, 你應該還年輕吧, let him go....為你自己, 為女兒, 個女會feel到你地有問題, 會唔開心架
既然你老公叫你讓路比佢走﹐離開你同埋佢個心愛女兒﹐
你平心靜氣問吓佢：你究竟做錯ＤＭＵＧ嘢？
點解你（老公）要走﹐係唔係外面有第三者介入？
同時﹐警告佢：如果你（老公）踏出呢個家﹐
你今日選擇Ｅ條路﹐日後你若然要回頭﹐
你可以肯定答你我同個女以後都唔會原諒你（老公）﹐
你再無回頭的機會......
只要你問心無愧﹐無對佢唔住﹐你根本唔需要再留戀
呢個人﹐只恨自己睇錯人就算﹐一定要同呢個外人辦
離婚手續﹐從今以後彼此劃清界線﹐互不相干！
自己立心養大個女。。。。
既然佢立心摧毀自己一手建立ＧＥ大好家庭﹐始終有一日
佢會後悔。。。。。
比佢走, 然後好努力去面對自己生活, 去學習有興趣的事物, 去認識新的朋友, 去幫助社會上有須要幫助的人, 當然我唔敢保正佢一定會再次愛你, 不過你起碼無損失, 到時可能係你唔想再同佢一齊都唔定.......
我都係一個已婚的媽媽...
其實你自己至清楚問題的所在, 要睇吓你老公同你自己係d咩人,先回答到你, 是嗎?
by the way,
玩心理
男人係咁黑人僧的, 你越愛佢, 越想同佢一齊, 佢就越想離開, 越覺得辛苦。佢話對你no feeling, 你咪打扮得更正, 著得sexy d(但千其不如著得過火),等佢對你眼前一亮, (有邊個男人唔想拖住個正的老婆出街)。
如果係佢出面有第二個,重話想走,你咪比佢走攞, 走左以後都唔好返黎, 一於死左條心佢, 同女兒開開心心生活, 但錢佢一定要給你們。變左心男人要黎重有咩意思...
現在的情況：
一個會用口說出對自己太太完全沒感覺的男人，婚姻上便已經是死局。
現況的解釋：
男人及女人思想間的分別在於理性及感性的比例平衡：
你先生是絕對清楚你們還有一個女兒，若果說出"為了"女兒而不要離婚，是絕對沒用的。
現在可做的事：
既然你先生已經說出需要你讓他走，那請你也該清醒了，做好讓你先生離開你前的心理以及身理準備。日常生活中你先生會幫忙你做的家事由今天起開始自己動手做，好好調整將會發生的"失落感"。
光明的將來：
雖然你先生對你已沒有感覺，也選擇想離你而去，你在目前的婚姻的情況上可以說是"GAME OVER"，但這只是"現在"。失去了一個不愛你的男人不代表你已經失去了你自己的價值，你還有一個女兒，就算你先生要跟你爭撫養權，也不用過渡擔心，就以這次失敗的婚姻作為你人生的轉捩點，不斷自我增值，使你自己由內到外散發迷人的魅力，自然所有好運會伴你而來，空說話是沒有用的，你需要用行動把所有事情實踐，才能真正活出光明的將來。
2009-10-13 13:01:03 補充：
一個會叫太太讓他走的老公~已看出是一個沒責任感的人~不易留戀~
2009-10-23 16:13:38 補充：
至於你先生說想轉換另一個方法去愛你，這只是換了一種比較好聽的說法而已......
結果還是一樣：他的心已不在你
清醒一點吧，需知道愛情及婚姻的幸福不是單方面去努力經營便會得回來的。
他主動跟你聊天那又代表甚麼?
他的確已不愛你了，在他心中可能只是把你當一個朋友看待。
你知道為甚麼很多單親家庭也可以活得很開心快樂嗎?
就是他們願意去接受新的挑戰，接受新的生活模式，不再沈痛於"過去"。
佢叫你走，你無問清楚真的原因嗎？真只係對你無feel而叫你走，那點解佢對你咁樣？那是否代表要離婚？你想挽留佢？但佢已變左心，男人變左好難挽回，或者你同佢講，為左個女，我們可以同以前一樣嗎？我好愛你之类的話，睇下佢點講，如果佢堅持，那只好放開他。
其實你要搵出他要走的原因, 一定會發生咗問題先至會導致這樣的結果, 你看一看, 那個問題可否解決, 如果是兩個人的問題, 應該不大, 但是如果是三個人的問題, 你就要考慮是否應該保留這段感情, 因為如你苦苦衷求下今次比你留到, 但是大家心裡面已經不再像從前一樣了! 但一定有好的例子的!
祝你好運!
