大家幫幫手啦!~唔該!~係關於狗既問題!~

唔明什麼係出面大小二便喎?係街定係屋企?仲有你養咗幾耐?
我都有一隻哥基,養咗2個多月,就快2歲.為咗養佢,睇咗好多書同網頁,所以有小小心得.
哥基係一隻極好奇,聰明加活潑的狗.
首先,隨處大小便和絕育是兩回事,但我極同意替狗隻絕育,因為可減低患上多種疾病(如睪丸癌)的風險,而且可令狗狗更加順從,易於教導.至於會唔會變成第二隻狗,就睇下做完手術后你点照顧佢,如果得到你的愛心及悉心照顧,狗狗絕對可以快速康復,而且繼續活活潑潑.我隻狗狗一早已絕育,極度活潑,而且又唔會撩打架,所以好好架!
另外,有關大小二便一事,就睇你養佢幾耐.因為三歲已經好難教,而且如果養佢已經好耐,即係已經習慣咗,就更難教.但都唔好放棄,比自己一個時限,例如一至兩個月,如果都唔得,就出去比人訓練,應該可以得既.以下是一些貼士:
1)去錯大小二便的地方一定要徹底除味,因狗有習慣性,佢去得一次后就揾番同一個地方再去過,因為有安全感,除味建議用漂白水,但小心狗狗舐到.
2) 定時帶狗狗去街大小便,記住,狗有習慣,如果你日日同一時候帶佢去如厠,佢就會忍到同一時候等你帶佢去厠所.但建議此方法是長時間屋企有人,可以隨時帶佢落街,否則好易膀胱有毛病.
3) 時間重要性. 一去錯地方,要即刻say "NO",聲音要低沈,可以拑住佢個頭比佢"文"番d尿或屎,繼續用好低沈的聲音"丙"佢,望住佢對眼,等佢知道做錯事.如果過咗時間,佢跟本唔知你為什麼"丙"佢,你可以慳番條氣.所以最好跟住佢幾日.
4) 如果屋企有狗廁所又想佢去啱地方,就可先用紙巾或報紙吸D佢的尿放到廁所上面,佢"文"到就會聯想到係可以去的地方,仲有,見到佢一去啱地方(記住,時間重要性),就即刻讚佢"good boy",可以用小食獎勵,仲有,聲音要提高.咁佢就知道以后去啱地方就會有獎勵.
5) 如果帶佢去街解決,盡一個負責任的狗主,帶備報紙用來執屎和一樽清水淋落D尿到.
6) 耐心,重複以上.狗狗記憶力很短,如果每一步驟正確,佢就會成習慣
仲有,千萬不要打狗狗,因為會影響大家的關係,而且,佢會以為大小便係錯事而死忍.而且,狗狗好聰明,佢可以係你面前唔做,因為怕你打佢.但你另住背就做番晒.
另外狗狗有時因一隻狗在屋企太無聊亦會隨處大小便,所以儘量不要單獨留狗狗在家太耐.
因實哥基好聰明,只要你有愛心同耐性,就可以教好佢.祝你同狗狗都開開心心!

這裏可以幫到你
http://yahooak.hrb1.harbinidc.com/yahoo.com.hk/hk/auction/1118037410

四圍痾同絕育唔係太大關係，當然男仔有霸地盆心態，但有適當教導，大部份狗狗都會識响指定地方，方法唔詳談，因你search下都有好多好意見比到你；但打並唔係最好方法，要睇性格，怕死又醒目嘅可能打一次就知，以後唔敢，硬頸你又食唔住佢嘅打死都要同你作對，激死你對佢嚟講係最好玩嘅事......，所以要因材施教，叫你老豆停手啦，如有用一早都攪掂咗呢个問題啦！係咪？
另絕育我唔覺得會改變性格，我十幾隻狗都絕咗育，咪一樣玩轉屋企！狗仔細個貪玩Ｄ，每樣物件、事件都好新奇一定活潑Ｄ，大咗習慣咗，每日都對住相同嘅事物當然無咁興奮；大咗定性Ｄ好正常，狗狗亦有自己性格，我有兩個都好cool架！
以前我都覺得絕育好殘忍！但之後太多朋友嘅狗狗因生殖器毛病去世先有警剔，亦參巧好多書籍及医生建議，所以除咗年紀太大嘅，其他都做咗，起碼少幾種致命疾病嘛！而且唔算係大手術，痛楚亦唔覺，一來有消炎止痛药食，二來狗狗忍痛好强！佢哋最唔舒服係要帶头罩囉同埋傷口埋口時好痕！

你話隻哥基係出面疴屎疴尿係MUG嘢意思呀？我唔係好明白？
出面係指狗狗係走廊疴屎疴尿？定係邊度呀？講清楚啦？
其實你抽少少時間帶狗狗逛逛街疴吓嘢﹐狗狗返到屋企就
唔會再疴啦！咁你老豆就唔會打到佢飛起啦﹐再講﹐就算
狗狗係疴屎尿﹐都唔駛毒打佢O架﹐狗仔唔會聽佢話O架﹐
人都會反叛啦！

至於狗狗大過咗﹐會有發情期O架﹐D狗仔會不斷磨擦下體﹐
達至興奮 狀態﹐會搞到狗狗下體發炎O架﹐如果你唔諗住幫
佢延續下一代﹐狗狗應該要做絶育手術﹐等佢年紀老咗唔會
有病 (醫生話狗仔唔做絶育﹐老咗會有一種病﹐不過我唔記
得MUG嘢病)﹐狗女會有子宮癌‥ 你可以請教獸醫....
狗狗做咗手術初期﹐係會心情煩燥﹐因為個傷口痛﹐但只要
你耐心照顧佢﹐遲D佢會回復之前的活潑性格。
唔駛擔心O架！