學日文煩惱

同時學兩種語言冇乜問題，而且韓文同日文的確有唔少既共同之處，你有韓文既底就點都會比較容易上手；
不過呢d真係要睇你既時間分配，如果宜家你都只係岩岩夠時間用的話，就唔適宜再學多樣了，兼顧唔到的話，學再多野都係浪費時間，你都唔會記得入腦。當要二選一時，咁我會比較建議你繼續學韓文，開左個頭就堅持落去吧。
至於出路方面，講真宜家香港地識日文既人真係唔少，都差唔多係必學既語言之一了，就算有日資公司可以比你選擇，都大把人同你爭吧!
至於應唔應該自學，呢個好睇你既要求。
有d人甚至話日文2級後先去讀都得添~但真係一個個人囉，可能人地時間多，日日係咁刨劇刨參考書，你有咁既時間當然就去自學會比較快啦(因為坊間d日文course最多都係一個星期兩堂，好少話上足五日的)；但如果你覺得自己就咁睇d書唔明既，當然就係上堂等人地教最方便快捷了。
其實下年既轉制對4級既人無乜太大課程上既影響，因為你學既野都係一樣，所需時數都係一樣，只不過個名由4級變做N5，而將來你要考既試就變成5級制吧。
如果你真係堅持自學，我個人認為大家的日本語唔太適合，因為佢真係冇乜解譯，如果你想要d課文既中譯更加要買多本書，附個隻cd又冇得聽返個課文同埋d詞語，不如你去書局逛逛，睇下有冇其他又附cd又有解譯既書吧!

屯門同元朗間良師學校都有呢兩種語言學喎
日文就多人讀d
得閒就去睇下啦

請問你有考慮過私人教授嗎?因為每個人的吸收與理解力都不同,一班上堂很難照顧到每個學生。而且可以應你的程度而教,不用重頭再讀起

本人曾任荃灣某語言中心的暑期日語導師及荃灣某band 1 中學的日文班導師,現為學生及在職人仕的私人日語導師
2級合級,現正修讀日語1級課程。

日本語能力試N5級內容$150/1.5hr 起
日本語能力試N4級內容$240/1.5hr 起

有興趣請與本人聯絡
E-mail : [email protected]
msn : [email protected]
P.S.上課地點,時間商議

學兩種語言係可行既,
不過要睇你有冇恆心啦

你問下自己一日可以放幾多時間出黎學外語
1個鐘?3個鐘?
學2種外語既話,每日最少放1個鐘係每個外語到,
即係最少有2個鐘
如果唔得既,建議你剩係學韓文,日文可以遲D先

日文能力試係改制,N5即係而家既4級,
自學既話 大家的日本語 OK既,
大陸出左本 「新版標準日本語初級」係針對自學者出既
我兩本都讀過, 「新版標準日本語初級」D文法解釋得詳細D
同埋話晒都針對自學者, 我個人覺得好D囉 (而且平D)
不過記住要買埋 課文CD, 入面有詞語學架啦

我听人講，其實韓國語同日本語的文法上差唔多的，所以韓國人學日本語係好d!這對你學好韓國語後學日本語係唔錯，不過...

現在的你好像連韓國語都未到較好的地方，就想一腳踏兩船= =這恐怕有些困難了!

我覺得現在的你，一：日本語與韓國語二選一；二：學好韓國語後再學日本語。

以上希望可以幫到你!!!