七公斤高純度K仔

1. 有哂線報去拉人, 人贜並獲, 入罪機會 99% (打官司無話 100%贏梗). 要坐監機會 100%, 因為上訴庭對販運 K仔有判刑指引, 各下級法庭都要遵守.
2. 根據香港法例第 325 章《囚犯(監管下釋放)條例》規定, 除判終身監禁或釋後須遞解離境嘅囚犯外, 判刑 3年或以上嘅囚犯, 如已服刑一半或 20 個月(以較長者為準), 可申請參加囚犯監管試釋計劃. 申請如果獲批准, 就可可提前獲釋, 在餘下刑期接受監管.
3. 咁大壇嘢, 除非佢未夠16歲, 否則年歲對判決並無影響.
4. 法例對 K仔有判刑指引 ( "SJ v 許守城" 一案), 7kg 爆哂燈. 佢有多次同類案底會令法官採取一個較高判刑起點.
5. 認罪可得到 1/3嘅減刑.
6. 販運定義係一個人在知情下管有, 即係毒品在佢控制得到嘅環境入面 - 例如此案中果架車 - 而並非一定要在佢身上, 更加不論毒品係屬誰擁有. 所以佢負責運送, 擁有者唔係佢, 對判刑無關係. 佢一樣會因販運 7 公斤毒品被判監.
但如果佢幫警方指證毒品擁有者而令其成功被定罪, 咁佢可得到最高 1/2嘅減刑.
____________________________________
點解你唔問佢會判幾耐監嘅??! 我八掛 d 都答埋啦.
根據上訴庭在 2008年 6月 6日SJ v 許守城 (CAAR7/2006) 一案的最新判刑指引, 販運或藏有可供販運1000克以上 K仔判監 14年以上. 佢有成 7kg, 會判大約 23 至 25年監啦.