想老豆同媽媽離婚既問題希望熟法律既人黎幫我!

我老豆好多年都比錢屋企,但佢仲有番工架,仲成日問我媽借錢,借完又唔還。

攪到我呀媽好辛苦,我唔想見到佢甘辛苦,佢連間屋既租金都交唔到,我d書費乜費都係我媽俾晒。

佢根本就唔係男人,佢仲食左我公公d遺產,攪到我媽媽好唔開心,我真係唔想再同佢生活,一講起錢佢就發人脾氣,仲話要打死我,我真係好驚有一天俾佢打死,佢地冇再一齊訓過覺好多年,因為我同我媽媽訓。

成日話有錢就俾乜乜乜,但其實一次都冇俾過,借左我500蚊又唔還,仲話平時有俾錢我,簡直係張開眼講大話,我真係好憎佢,好唔開心。

最近仲俾我知道左佢好似番大陸包二奶囉,但係我唔肯定,靜係知佢成日打電話番去,因為我check過佢電話記錄,每次呢個電話一打黎佢就走左去廚房聽,又細細聲,令我更加覺得佢係,我有試過打比果個人,但佢冇聽,我都有試過講比我媽聽,佢話如果係真就會離婚。

但係我媽次次都好心軟,成日都借錢比佢,所以我認為我媽唔會主動離婚。

雖然而家間屋係佢個名,但交錢既係我媽媽,我想問如果佢地離左婚甘我同媽媽要住邊?
要離婚,要用乜野原因/理由,好唔開心,唔想再係甘。

好希望你地可以幫到我同埋比詳細既解決方法我,因為我好需要你地既幫助,愈詳盡愈好。十分感謝你們!