十六個月大敏感BB的食譜

✔ 最佳答案

若果你既小朋友食得訓得玩得，個人都活躍既，就算食得比較小，咁就冇問題架喇。我個仔而家三歲半，得廿幾三十磅，已經維持左年幾喇，同埋都已經飲緊保兒加營素添喇。但係佢真係好活躍，食野又ok，輕磅d真係唔係一個大問題
我個仔都有同樣問題，就係唔鐘意食肉，不過對濃味既林肉就非常鐘情，所以我間唔中都會買d叉燒比佢食
你可以試下同佢轉保兒加營素，佢既賣點係可以補充番小朋友唔夠既營養。但係佢就比較甜，容易"野"痰
食物方面，我自己都係上班一族同唔多識煮野食，所以我都係盡量煮簡單既食物。其實煮咩都唔係一個問題，最緊要係新鮮，新鮮既食物營養都會高d。另外，你可以多d煮蛋，方便又簡單，蛋可以整蒸滑水蛋 (加d蟹柳絲落去，小朋友會好鐘意食) 而且用黎撈飯食，會食多d飯添架，就算日日食都冇問題架
除左正餐外，你可以比d小食佢，但係就唔係食餅乾同麵包。佢有一歲，可以比佢食乳酪，最好就飯後先食，以免食完飽左唔食飯。不過因為唔係個個小朋友都受得，最好先比佢試一兩次先，冇咩問題先持續比佢食。可以增肥之餘，對身體都有益
仲有一樣食物，可以當正餐，亦可當小食，有營養之餘，食得多好易肥，就係薯容喇。外國好多人都會以薯容黎當baby food。做法好簡單，只係水煲既時候放隻去左皮既薯仔落去，煮到佢林 (想快d既，可以切細粒d先煮) 之後拎出黎壓成容，再加牛油搞埋一齊，咁就搞掂架喇。因為加左牛油會好香滑，所以小朋友會好鐘意食。你亦可以煮埋d雜豆加落去，一來顏色靚d，二來又健康d
除左食之外，你亦可以比多d湯水佢飲，最簡單又有益既就係豆腐魚尾湯，用三文魚既話仲更加對腦部發展有益處 (用黎煲粥仔都得) 洗乾淨條魚，放入魚袋，連埋豆腐等水煲後放入，大火煲佢一個鐘加鹽就飲得喇。另一個方法就係係個煲到煎一煎條魚，變黃黃地色之後，沖d滾水落去，再加豆腐，d湯會白d甜d添架

回答 (2)