✔ 最佳答案
你依家首要用相機影底你所講嘅問題,行內稱為『Defect』, 而尾數應該係佢執番正哂,對番D插蘇嘅數量,冇問題先至俾錢. 因呢個係佢嘅責任.
批盪、地磚係小問題, 廁所地台就濕儕D. 最理想更係重新做過, 但如你已入伙就麻煩D,可能要兩星期先攪掂.
裝修期間你有冇去視察過,地台過高冇可能依家先知,你哋有冇簽過Contact??
2009-10-07 12:21:55 補充:
你可以唔駛俾錢住, 另定要投訴, 因電線冇膠喉做保護,保險有機會唔賠, 定要傋案. 除非佢攪番掂.
實際上只有重鋪,找另一班人做, 向你買地磗間鋪問下包唔包埋鋪.
2009-10-07 13:53:36 補充:
至於重鋪施工期大約一星期,但要非常小心拆馬桶、地櫃.
2009-10-08 12:30:07 補充:
你所講磁磚爆烈係咪塊磚嘅四邊角出事呢?派地磚之前要浸水,浸過夜,令佢同D英泥『痴』實D. 其次要係磚面四邊削斜角, 先再掃口,否則四邊角就會很易爆, 依家冇得攪.
2009-10-08 13:15:12 補充:
如果係磗中間烈開.就有機會係空心磚, 即是英泥不夠高,有中空情况, 用一枝羅C批輕輕係磚上面細細力去享享.會發現聲係唔同D.
影相作用證明佢未做足佢應該要做,其實你入伙未?
2009-10-08 15:50:06 補充:
裝修佬都幾橫吓喎.我覺得佢係到恰你,一間屋廚房、廁所最為緊要, 而偏偏你今次衰哂係呢兩個地方.
全屋所有水喉都應藏係地下, 之後先派磚.
屋內電蘇頭可以多D,方便自己.
睡床、衣櫃要訂造, 因為實正D.
反而電視櫃、層列架可於傢俬店買.
坦白講,以你依家景况,好難搵到第二班師父重做廚房、廁所, 因你已入住, 很難配合施工嘅時間. 錢亦是第二難題.
GOOD LUCK!
2009-10-08 17:36:44 補充:
絕對可以,不過做這行動前,你要考慮一事及凖備一D『籌碼」,當最後你哋不歡而散,可能會鬧上差館.或公正行,由公正行决定.
你的『籌碼』就係你所拍下D相了.仲有佢當日俾你嗰份check List.
但你要衡量番你嘅得失,
1.首先係時間,你可能要係閒日請假去攪,
2.公正行判你勝,但你仍要去忍受廚房、廁所嘅問題!
3.敗訴,什麼也沒有.
2009-10-08 23:42:24 補充:
要針對廚房及廁所的論點如下:
如去水做得唔好,小小嘅水浸都會即時流出客、飯廳. (要強調水浸會令電插蘇漏電,後果很嚴重.誰負責)記得!
折束解決辦法,係地面加塊雲石,大約吋半高,令水唔會即時流出外面.雖然外觀唔太好睇,但總算將之解决!
既然肯定唔會重做,以上就係唯一方法.
如你覺得可行,就直接話佢知.要佢咁做.
2009-10-08 23:42:40 補充:
工人手工好壞、物料構造公正行唔列入.公正行係去評估施工不當而引發嘅意外,所以(要強調水浸會令電插蘇漏電,後果很嚴重.誰負責)
講咗咁耐都未講我嘅職業,我係商店室內裝修工程,負責畫圖及site check,儘量去找出間鋪隠憂及解決方法.都做咗五年了.不過我最鐘意嘅住宅,會接Freelance做.
恕我唐突,從名字上估你應係女士,對嗎.由此至終只有你一個女仔同去due呢,因我覺得裝修佬恰你唔識囉!
希望你快D解決啦,如有結果話聲我知.
2009-10-09 11:58:04 補充:
再分享多少少, 係我親身經歴.
我間房天花有水積,週不時有D油漆脱落,位置正正是我的寫字枱,因我樓上住戶加建一個廁所. 我決定投訊後就做了以下幾件事.
1. 用筆去圈出水漬面積,拍照.一星期後嗰D水漬範圍擴大.足証明樓上有問題.
2.每星期都影一次相, 收集脫落之油漆.
2009-10-09 11:58:12 補充:
3. 連相片去信到屋宇處交代了整件事,CC俾官理處,信內強調了我要經常於枱上做嘢, 又怕天花跌嘢落來, 弄傷了誰負責.兩日後已即刻有人上來睇.
最後樓上拆咗浴缸,重做防水, 等了兩星期,確定冇事. 才埋尾.
前前後後攪咗三星期. 要忍受係污蹧囉!
講番你嗰度,裝修佬可能反駁你『D蘇頭離地有番咁上吓高,點會有事呢!』
但會浸『梅』D腳線呢, 有蟲注,水會慢慢向外散,影響可能仲大.到時誰負責,我唔會讓這發生的.態度強硬小小.