現在中國海軍vs印度海軍

樓上講既野大致正確，我都覺得兩國海軍打會係55波，正因為印度海軍有航母，佢有海上制空權，如果依家既中國海軍去到印度洋開戰，輸既機會甚至更大。
不過，中國武器用外國零件有咩問題﹖總好過印度咩都用外國貨！覺得印度軍備勁既人都有兩個盲點，第一係印軍既武器講好聽啲就係來源廣泛，講難聽啲就係雜牌軍。你睇印度海航及空軍，服役既戰機有Mig-21、Mig-27、Mig-29、美洲豹、Su-30MKI等不同既機型，呢啲飛機唔單止型號多，而且戰力、規格參差不齊，另外上述機型除左Su-30MKI之外，其他機款全部都比較老舊，已經好難應付現代戰爭。係咁複雜麻煩既後勤情況下，以較落後戰機應戰既印度空中力量係唔係可以打得贏仗﹖而空中力量又主宰海戰勝負，印度海軍同中國打是否真係可以贏﹖
另一個盲點係絕大部份人都徹底忽略印度國防工業水平低下既事實。印度海軍有幾多隻戰艦係佢自己做既﹖數埋都只有幾隻戰力平庸既驅逐艦。印軍既潛艇又係由俄國入口。咁樣有咩問題﹖請唔好忘記清朝北洋海軍係打黃海戰役之前都被譽為東亞最強海軍，定遠號去日本訪問甚至嚇親當地人，但結果係點﹖雖然日本海軍紙面實力較弱，但日本有較強既工業，戰艦受損可以回母港修理，但北洋戰艦連一口螺絲都要入口！當時清朝根本完全無支援現代化海軍既相關設施，北洋海軍既官兵驚住整壞隻戰艦，於是訓練徒具形式，完全唔貼近實戰，就算黃海一役其實北洋艦隊損失不多，但因為受損戰艦完全無法修理，於是只可以眼白白睇住日本人侵略本土！
我個人覺得印度海軍同北洋艦隊好似，紙面實力不錯，但由於印度國防工業實力太弱，萬一戰艦有咩損傷，要佢短時間修復實在不易，而且印度海軍同空軍一樣都係有唔同規格既裝備，後勤一樣咁麻煩，佢地戰力係唔係咁勁令人好懷疑。你睇佢隻所謂既核潛艇就令人對印度無信心，唔好講隻艦既外形核突，極度唔符合流體力學原理，就連最基本既核反應爐都未搞店，竟然要隻下左水既潛艇再上岸安裝反應爐，咁差既軍工能力點令人對佢有信心﹖


2009-10-07 19:35:09 補充：
要分析“中國海軍”先要解決一個問題，092夏級及094晋級是否計埋係海軍入面。由於兩款核潛係戰略武器，所以我跟番一般做法唔當佢地係海軍既一部份。

2009-10-07 19:41:20 補充：
即使係咁，如果齋睇戰術性艦艇，中國海軍近年既進步應該已經可以打敗日本海軍。首先兩國既潛艇數量相差太遠，日本得16隻，中國潛艇計埋過時既明級過100隻，如果唔計明級都超過20隻。呢20隻有咩潛艇，先有漢級(091)與商級(093)核潛，再有宋級(039)與極可能用左AIP既元級(041)，與及幾艘基洛級(Kilo)。識貨既人會知道上述潛艇係咩質數，就算係勁舊既明級，雖然肯定成為日本空軍P-3既活靶，但成幾十隻活靶咁多，仲要應付其他先進既中國潛艇，日本既反潛兵力應該無法應付。

2009-10-07 19:52:13 補充：
水面艦艇中國都有得揮。日本海軍最核心既力量就係6隻神盾巡洋艦，不過神盾中國都有4隻，但中國有兩樣致命武器係日本無既，就係長程超音速反艦飛彈及長程巡航導彈。中國既反艦飛彈射程可達250公里，而鷹擊91及日炙(SS-N-22)飛彈更係超音速飛行，如果多發齊射，日本海軍未必可以應付。相反日本海軍有乜反艦招數。用來用去都係魚叉(Harpoon)及佢既改良型，呢支反艦飛彈射程短，只有120公里，而且速度慢，只有0.8馬赫左右。

2009-10-07 19:52:20 補充：
即係話面對中國海軍水面艦艇，日本海軍只可以係己方反艦飛彈射程既2倍之外靠防空飛彈攔截中國反艦導彈，直至距離縮少左一半先至可以還擊。而中國既防空系統亦係神盾艦，面既既更係慢速反艦飛彈，日本海軍輸既機會較高。

2009-10-07 20:01:25 補充：
依家中國海軍係唔係北洋海軍翻版﹖坦白講我唔知，但我好肯定現代中國海軍唔會好似北洋海軍咁廢。因為北洋海軍既戰艦好似正文咁講，連一粒螺絲都要入口，呢啲戰艦實在中看不中用。但現代中國海軍既戰艦大部份部件都能國造(包括核反應堆)，可見現代中國海軍已經比北洋海軍進步極多。而且就算係北洋海軍係黃海一戰，以純海戰既結果來講都唔係輸好多(定遠鎮遠無被擊穿裝甲，只有一、兩艘較小戰艦被擊沉)，現代中國海軍如果表現正常，憑上述技術優勢，再加上戰略戰術穩打穩紮，要贏應該唔難。

2009-10-08 16:52:59 補充：
如果中日有衝突，美國肯定參與，呢個先至係東亞戰略既最關鍵所在。但結局係點，要睇美國點樣幫日本同埋會幫幾多。首先美國一定會使用第六艦隊既全部力量投入戰鬥，當然駐日、駐韓、駐關島及塞班島等美軍肯定亦會參加作戰。而且係關島及塞班既戰略轟炸部隊都會投入戰鬥。另外，太平洋艦隊、美國本土既戰略轟炸機、美國攻擊核潛都會加入戰鬥。

2009-10-08 16:55:55 補充：
但美國會點打中國﹖首先我唔認為美國會為日本同中國打核戰，因為去到最終，美國放棄日本係可以既，美國怕中國核報復美國本土，所以應該唔會用核武攻擊中國。如果呢個假設成立，咁美國對付中國既手段將會好有限，而且肯定成效不彰，因為中國離美國太遠，而係西太平洋既美、日、韓聯軍既實力又唔夠全力壓制中國。

2009-10-08 17:03:17 補充：
美國打中國，有以下幾個戰略目標必須達成﹕第一係全面摧毀中國海軍及空軍以達全面封鎖中國對外海空交通既目的。第二係全面摧毀中既戰術彈道飛彈及巡航導彈，即係東風15、東風21、最近公開既長劍10等，令中國無法係戰術層面佔有導彈優勢。第三係全面癱瘓中國沿海城市係軍政上既運作，即係攻擊政府部門、軍事指揮所、火車及公路幹線、發電廠、通訊中心等。當然仲有一啲較次要既目標，但剩係要完成上述既目標已非美、日、韓聯軍既能力所及，所以我認為佢地會集中力量係頭兩個目標。

2009-10-08 17:08:43 補充：
毀滅中國海空軍係至關重要工作，或講得準確啲，封鎖中國既海空對外交通係美國對中國作戰既核心。美國係現代最偉大既海權國家，美國海軍既強大唔在於佢比中國海軍既艦艇先進多少，而係美國海軍有全球作戰既能力，如果美國海軍好似德國係兩次大戰咁全面攻擊輸血到中國既商船，咁中國係無物資既情況下必然失血過多而死，另外以中美兩國海軍實力之間既懸殊程度黎睇，中國係呢場絞殺戰中唔會涯得好耐，我估半年，比到盡一年，中國必定因經濟崩潰而求和。

2009-10-08 17:15:05 補充：
所以如果美國真係參戰，中國就必須明白絕對唔可以同美國打總體戰，因為咁樣絕對會被美國絞殺，代之而行既應該係一個有限目標既戰爭，而呢個目標絕對只能係爭取一個不會危害到美國係世界上地位既局面。依我之見，中國最多只能做到美國撤走日韓駐軍，但無法令美國徹底撤出西太平洋地區，否則美國就會發動全面既海軍絞殺戰。甚至要美國撤出日韓都係極困難既事，實際上中國最多只能期望係西太平洋地區贏取一個戰術勝利。

2009-10-08 17:19:01 補充：
如果要減低美國係東亞地區既影響力，我認為僅靠軍事手段絕對唔可能，要靠既只有係國際政治上既經營。如果中國成為東亞以致亞洲最重要既國際政治力量，至少令亞洲國家唔好一面倒向美國，咁美國就唔敢係東亞地區隨便插手區內事務。呢個就係點解現代中國領導人四出向鄰國示好既其中一個原因，因為中國領導人好明白係東亞事務上必須要不論大小既每一個國家支持先至可以抗衡美國。

2009-10-08 17:24:15 補充：
所以我一向極端反對國內憤青們無理既仇外態度。佢地仇日、仇韓、嘲笑印度、甚至仇視越南、印尼、馬來西亞及菲律賓等國，但佢地又對落後及反復無常既俄羅斯及北韓極度吹噓及吹捧，呢啲好明顯係弱智過時既共產主義思維，既自我中心，又膚淺過時地以意識形勢來分敵我。中國絕對唔可以用呢種低能思維來搞外交。

2009-10-08 17:28:39 補充：
雖然上述既國家同中國的確係有啲牙齒痕，但面對美國係東亞地區既強勁力量，中國一定唔可以同上述國家徹底對立，就算面左左，都唔可以搞全面對抗，否則將來既中國就會變成軍國日本既翻版，令美國可以再次以救世主既角色出來拯救世界。中國要做既係地區性及發展中國家最要既大國，領導週邊地區及較落後國家同發達西方國家爭取合理權益。如果長期係咁做，中國必成世界外交大國，咁就唔怕美國係世界不停擴張利益。

2009-10-08 17:35:34 補充：
最後我想講，如果中國要真正成為世界性大國，令中國既國際形勢愈來愈好，除左要做地區性大國外，另一樣最重要既事就係唔可以同美國徹底對立，而且仲要儘量搵出合作既機會。除左唔可以係軍事上全面對抗美國外，美國作為世界上最先進、文明最進步既國家，佢既實力到現在仍如日中天，佢係政治、經濟及軍事上無全面崩潰既危險，金融海潚及伊拉克戰爭只係令美國暫時無法再擴張，奧巴馬上台後已經開始嘗試撥亂反正，剩係呢樣野已經令美國係短期內唔會全面崩潰。

2009-10-08 17:37:25 補充：
既然美國仍然係世界唯一超強，咁中國就要令美國覺得佢同中國合作係有益先得。如果中美合作得宜，咁中國係國際事務上既發言權及爭取利益時都會順利好多。

2009-10-09 19:19:29 補充：
國際政治同普通人際關係一樣，邊有咁多真心朋友﹖國家同人一樣，你有錢有面咪有多啲人跟你囉！正如mo兄話齋，中國鄰國多，但中國國力又唔係咁強，其他國家見你好“恰”啲，自然會係中國身上搵著數。

2009-10-09 19:33:33 補充：
關於不同既領土爭議，小弟係另一條問題有一段較詳細既回應，如mo兄有興趣既請參閱﹕

http://hk.knowledge.yahoo.com/question/question?qid=7009090900467

【亞洲36588合法彩券公司直營 官網: A36588.NET 】

【 最新活動→迎接新會員，首存狂送20% 】

【運動→電子→對戰→現場→彩球 】

【免費服務 →電影區、討論區、KTV歡唱、運動轉播、即時比分、24H客服 】

【亞洲36588合法彩券公司直營 官網: A36588.NET 】

作為軍事迷我個人觀點同002的太致相同
因為印度過度不集中的武器群令後勤同保養極難同複雜
而且印度國防工業非常差同中國難以比較, 中國的確係好多copy and copy
不過可以咁快去copy既就已經表示國防工業有一定的能力先可以做到
而且copy品的質素, 由幾次的展示其實都幾好
必要是中國可以由自己大量生產
而印度就基本上沒有能力...
海軍上問題比空軍好少少, 不過就唔見到幾好...水面艦不計航艦的話美俄的上一代好似rajput class咁就只要俄羅斯kashin call的改裝, 已非常老舊,而其他比較新的艦體設同武器佈置都唔好...
我個人覺得係對d野堆上去架船上面一樣
而印度現有的快有的航艦都係外退役的, 已不先進
而且艦載機飛行員的技術要求極高, 美國的艦載機飛行員係精英中的精英, 而俄國都係, 而且俄羅斯自己都無足夠的訓練
以一向印度的訓練質素
航艦相信會變海上棺材,
而水下力量印度都有俄羅斯的kilo
而且有德國的209, 不過以該國的國防工業底子...有問題都要搵人救

而有關支持印度後勤, 同國防工業差的問題
有幾點可以參考,
1 印度的手榴彈大都係2戰英國用剩的
之前報導過3個有一個唔爆的,,,

2 就係印度最俄羅斯投訴新戰機易出問題
但問題更多係印度本身, 其一係俄羅斯係北方國家天氣的印度南轅北轍
保養方式都有唔同, 印度人對d飛機放係露天日晒下淋
其二就係d飛機的航電設備, 同入氣口同噴口停泊時都要蓋保護罩, 而印度人成日都無

3 印度自制的阿瓊坦克廿年到現在都仲係生產不出
技術上完全追不上先要買t90

不過相比同俄羅斯的關係俄羅斯出口印度比中國要放鬆
因為中國一方面copy得好快.2就係中國的發展力量其實遠比印度強
不過根本上俄羅斯同中國的關係係戰略上係比同印度深入
對西方的外交上中俄都比較同聲同氣,
基本上到現在如果說中國要俄羅斯支持已經有的過去式
反而俄羅斯國內經濟同軍工業更要中國支持

而有關001的問題, 就不答了因為同問題無關
不過有一點係俄國係有su 30買比中國而且要早得多,
而且中國的su27系的機已跟su27的許可生產生產了殲11a,
而自行複製的su30就是殲11b
又中國最少都生產出一架殲10a出來印度都無這能力, 就算殲10a現在還要用俄羅斯的發動機, 但相信當國產的太行發動機發展完成後會換裝

而有關中國的copy武器,其實係前蘇聯加盟國如白俄同烏克蘭支援下快速進行的, 而且中國也有俄羅斯同前加盟國中大量請開始專家
所以中國的武器質素相信是有保證的,
而且中國軍隊的訓練要比印度好得多

我覺得是55波印度最少都有一首航空母艦,軍備又不差過你中國,俄羅斯.美國.北約都可以賣武器給印度,相比中國只可買俄羅斯次級武器!

好像俄羅斯賣給印度的是蘇30戰機,賣給中國的是蘇27,中國自己做的武器真的不知道打不打得,你要知中國最叻做假!

很多武器得個外形模仿西方,裡面副引擎都是外國買的...........

2009-10-06 23:53:17 補充：
002可否分析中國海軍VS日本海軍?

2009-10-08 00:35:25 補充：
steventtw20果然有料到不愧為博士級!分析得相當專業,我都很同意你既講法.

20你估中日有沖突,美國會點樣幫佢?

2009-10-09 01:52:17 補充：
多謝你的回答!我覺得中國在地理上好麻煩,是世界上邊界鄰居最多既國家,但全部都不是朋友,對中國虎視耽耽,又其俄羅斯食咗中國百多萬平方公里國土!

你覺得中國失去既國土可否收回,包括俄羅斯.印度.南沙群島.釣魚台?

2009-10-09 22:58:12 補充：
很多謝steventtw20連日來解答了小弟咁多問題，不敢再打攪了，有機會再作請教^﹏^

2009-10-10 08:43:45 補充：
20兄多謝你連人來既回答,小弟不敢再打攪,有機會再作請教.^_^