很複雜的借據求救

✔ 最佳答案

題外話: 佢同銀行做百七萬按揭買樓, 按揭款項會在成交時由銀行直接交俾對方業主 / 發展商, 佢點俾六十萬你?
我當佢做到...
______________________
果六十萬係幫你借, 用來比你做買樓的首期. 你欠佢六十萬. 佢一係要你用層樓做抵押, 在你身故或唔還錢時就賣咗還番俾佢. 本來好簡單. 但你層樓要同銀行做按揭, 咁就有問題. 銀行幫你做按揭, 佢一定要 First Charge (一按債權人). 如果之前層樓做咗抵押, 銀行唔會批一按俾你. 所以你要抵押層樓俾你朋友, 你朋友只可做 second charge (二按債權人). 咁如果你意外身故, 物業出售嘅款項會優先償還銀行按揭, 有剩先會用嚟償還欠朋友的款項, 係做唔到你所講嘅 "....物業將應出售並優先償還所欠朋友的款項....". 二按按揭嘅契約非常複雜, 唔係在此可以教你寫嘅.
如果你朋友唔正式做二按, 只係寫張借據, 亦做唔到以上你想要嘅效果. 因為銀行始終有 First Charge.
想在你不幸意外身故而想優先償還欠朋友的款項, 最簡單係買份六十萬嘅人壽保險, 受益人寫你朋友. 你死咗佢就袋六十萬. 想慳錢就買最簡單嘅人壽保險, 死咗就賠六十萬果隻. 自信唔死或可在期內還清條數, 就買有儲蓄 / 投資成份嘅人壽保險, 還清條數就將受益人改番自巳, 或取消張單, 當儲錢.

2009-10-07 16:01:31 補充：
中定英文?

回答 (2)