纸尿片一问！

我bb係9月頭出生,宜家bb就黎滿月.我都係餵人奶,我覺得唔需要專登買返屬於比飲母乳用既尿片,我覺得尿片既size仲緊要(因為唔同牌子既初生尿片size都唔同),因為太大塊既話講到幾好都無用,會漏晒出黎!

我用過4~5種唔同牌子既初生尿片,HUGGIES係最細塊貼身,啱啱出生用好好(最緊要係周圍都買到).到BB有十幾二十日大時可以用pampers,比較薄身會透氣d!

希望幫到你~~

飲母乳既BB，便便會稀D。而母乳寶寶既尿片，賣點就係吸力比較強，就算稀既便便都冇咁易流出黎
我自己都係餵母乳，都買過幫寶適既母乳寶寶。我覺得佢又唔係真係完全好到唔會流出黎，因為有時BB便便多，同普通初生尿片都係差唔多
我可以比個建議你。你可以初生同母乳寶寶都各買一包，不過帶入院就唔使用母乳寶寶喇。因為初生既BB多數既便便都係胎糞，質地會比較杰，就算飲母乳都一樣，而母乳寶寶既尿片比普通初生尿片貴，所以入院果兩三日用普通既初生片都得架喇。到BB出左院，你又開始上奶，BB又飲得好，咁佢既便便就會開始稀，到時先開始用母乳寶寶都未遲
另外我都推薦你用HUGGIES，佢既尿片既腰位有彈力，真係包得好靚，而且又平過PAMPERS，可以值得一試。但唯一唔係咁好既就係冇PAMPERS咁輕同軟 (但又未至於好硬既)

妳去買既時候問下售貨員,初出生BB既紙尿片,任何牌子都可以隋妳自己要的...

餵母乳與否, 並不影响用邊隻初生紙尿片
餵母乳同餵奶粉, BB都係咁嚧嚧, 無特別
你自己喜歡用任何牌子都得啦...