如何游泳,當我游泳時,常常浮不起?

腳踢水, 本來目的並不是令你浮起.
而如果你要腳踢水先可以浮, 即是你本身基本功未做好.

可能你一開始學係學蛙式, 而且係自學,

但典實無論蛙式, 自由式, 定背泳,
第一件事要做嘅, 就係身體可以以水平角度浮起.
雙手放前, 而且拉直, 甚至拉到兩肩拍著貼緊頸部 (小朋友及操過半年水以上的成年人可以做到).
將重心, 由我地本能下放在下身, 拉返上去上身, 令下身唔好沉落去,
同時上身要保持浮起,
呢個係除蝶式外, 影響其他三式嘅基本動作.
愈能夠水平浮起, 水阻就愈少, 愈可以去水.

水拓起你身體, 原理就好似一支牙籤拓起一塊香口膠,
只要牙籤督正香口膠嘅重心, 就可以拓起佢, 而唔會跌,
而水嘅浮點, 就好似支牙籤咁,
你身體嘅重心調至同浮點同一位置, 就可以浮起,
水不停變化, 所以我地要郁, 彧要收緊部份肌肉, 以配合不停改動嘅浮點,
你下身沉, 原因係你將身體重心過份地放在下身, 以為靠踢水先浮得起係正確概念.

你試下將重心拉返上去上身多 d.
你就可以唔踢水, 都浮得起.
唔得都要練,
練習下拿捏重心, 去平衡身體, 呢個係游水必須嘅基本功.

踢水係令身體向前, 而非令身體向上
除左踩水故意用泳式腳部動作拓起身體外, 游水時都係 " 踢水係要令身體前進 ",
這個概念須分清楚.

有很多人游自由式, 腳部都是亂踢, 而且目的都是令身體不向下沉.
其實都是他們沒有正確概念, 基本功未打好嘅表現.

先練浮好,,
再練左 /右手分開自由手, 同昤練習換氣,
再練兩手自由手,
再練自由腳獨立去水,
再練自由腳, 雙手壓A字板拉背自由腳, 以令身體緊貼水平面加強背部肌肉拉直身體 ,
再練滑翔式 / 車輪式自由手,
最後將所有集合, 成完整自由式.

呢個係自由式必經階段,
好好地練, 總距離30-50km 左右就可以學識.
睇上來好多,
上左手, 其實 30km 好少 ..

我地雖為陸上動物, 但學行路, 都唔係只喺陸上活動50km, 就識行,
唔可以太心急,
唔可以認為有人教, 就兩三次就學識的

2009-10-05 01:25:44 補充：
唔好因為怕換唔到氣, 而成日潛意識要你上身 / 頭比較斜向上.
咁永遠都學唔識游水, 四式都係.

如果你始終有 d 擔心,
你就換次試下, 口吸入一大淡氣, 潛落水, 唔洗郁, 睇下自己幾耐先要返上水面.

之後你學浮時, 因為唔係叫你掙扎, 唔須要郁得好多嘅,
只要喺之前度過嘅時間內, 企返起身, 就無問題.

放心d , 將你上身壓低一d , 將下身拉高一d,
慢慢就唔需要踢水都浮得起

+我msn
[email protected]

我代理了頭部水泡

它比傳統背心和水泡可以使球員更快學會游泳，
也比傳統救生水泡的代替扮演救生安全的角色，
救生便利很多

請ADD:[email protected]

游水是不經常用浮的，要潛下去，頭上水面換氣...再潛下去...換氣重複....前進就要用手腳撥水。至於動作要怎樣，講始終不能詳盡教到你。最緊要你不要怕水。你找個專業的教練或會游水的人教你吧。