公屋原區調遷

咁就要睇下借錢o既人你識唔識，係咪係度住，如果你冇填過任何資料你就不是擔保人，極其量是諮詢人，冇責任幫佢還錢，你去管理你條邨的管理公司搵番你個座樓個主任講清楚情況，因現在房署交左俾管理公司負責，再由管理公司pass去房署，記得加多兩錢肉緊，如借錢的人不是與你同住，叫房署幫你先打封信話冇呢個人係度住，之後影印貼係門口，呢個試過都幾有用；如果唔得，你就搵社工幫你打封信，再攞去管理公司交俾主任，叫佢交俾房署，如果有人上門拍門，就即刻call管理員及報警，跟住拖延時間，等警察來，如果係你門口貼紙千祈唔好自己撕走，叫管理員上來影相，有一次就叫一次，佢地會mark低記錄，然後等佢地再通知房署個邊，如果情況嚴重，約兩個月左右就會配屋俾你，但多數會調同邨唔同座，同區調就都比較少，會有三次機會架