有關數學問題一問~~~~~~~~~~~!(Δ,重根)

呢個代表判別式的答案,
判別式就係判別D野啦,判咩呢?
佢係用係二次方程度既,
例如x^2 + 3 + 1 = 0,
係入面, x答案既可能性有三個,
可能有兩個, 可能有一個, 可能無,
咁點知呢? 就要用判別式b^2 - 4ac喇!
如果計出黎答案大過0, x有兩個答案,
如果計出黎答案等於0, x有一個答案,
如果計出黎答案細過0, x無答案。
又可以咁諗, 當我地用圖象表示二次方式時,
畫出黎都係拋物線,
唔理向上向下, 佢有三個可能位置,
一係同x軸cut左兩點,
一係岩岩掂到x軸,
一係完全唔掂x軸,
其實搵x既答案, 即係搵cut x軸既邊點啦,
所以用判別式搵幾多個x既答案,
即係搵條拋物線cut到x軸幾多點啦
幾時會用呢?
可能題目叫你畫拋物線啦,
咁一定要用黎睇下條線點cut法啦,
可能條二次方程有未知數啦, 但話你知x幾多答案喎,
咁你一定要用判別式去搵出未知數既值
重根, 你做解方程加因式分解時,
會做到例如(x - 2)^2 = 0既情況,
咁x = -2 或 x = -2既係重覆左個根啦,
既係重根囉!!!