我個fd諗野好吾掂><點算牙??(專家快dee幫幫我)

佢有去睇過心理醫生嫁 但都係冇用~
醫生有好多，但亦有分好同唔好，夾同唔夾，你朋友一定要信任個醫生，我覺得你朋友肯去睇醫生已經好好，仲有得救，不過應該先睇精神科醫生，因為我唔太清楚你朋友幾時開始，仲有冇其他問題，不過有自殺傾向就好明顯出現問題了，現時太部份私人執業既精神科醫生都會睇埋心理，心理醫生係另外一樣野，不過要盡快帶佢去睇，如果睇私家，通常第一次會開三日藥，睇下食完有咩反應感覺，如果ok的話跟住就開五至七日藥，係慢慢黎的，但如果睇完第二次都冇好轉就要即刻轉醫生，記得帶之前食過的舊藥袋，等新既醫生知道，價錢第一次睇要一千左右，如果睇普通診所就平d，二三百左右，不過就唔係專科，亦可以一試，但係普通診所既醫生如果認為問題嚴重，會寫信轉介你朋友去政府睇精神科，我唔知你朋友住邊區，不過政府精神科排期，你預計新症起碼要等到2010年中左右，當你一排期就知道日期同時間，好多人都會問，咁呢段時間點算，醫院幫你排左期就會比份List你，意思即係話冇得快d比你睇，要睇就睇私家，裡面有齊全港既精神科醫生名單，地址，電話，你先帶你朋友睇醫生先，因為政府排期一定要有醫生轉介信，如果你唔想等，可直接睇私人既精神專科。我本人睇了九年精神科醫生，(有私家亦有政府)e+當然冇事啦，大概八成私人執業既精神科醫生我都有睇過試過，知道邊d比較好，記得通知佢家人同睇實佢，你可e我，希望幫到你朋友!