我老婆剛取單程證後性格理由自願離婚

你好!你呢個問題依家响好多中港婚姻(OR戀愛)都會遇到,小弟都係過來人(戀愛的),問題解答如下:
1.好肯定咁講,你付出嘅真愛一定多過佢付出嘅真愛啦,如果佢冇真係愛你就唔會咁順攤同你拍拖,結婚再搞埋單程證啦,雖然好大程度上佢都係旨在個證多過旨在你,不過你都俾返個安慰獎自己:佢同你相愛係為咗佢將來個Mr.Right,你就係做個好心同埋食咗五年住家菜囉.
2.佢同你冷戰完又補返鑊,都唔一定係只為個單程證嘅,講真如果只係為個證佢都費事同你相處,要吵架又要氹返你啦,咪索性等夠日子叫你陪佢去攞證,落來搞手續埋單好過啦.所以我咪話佢都有真愛過你囉
3.佢有冇可能連續五年避孕?呢個問題真係好難講,因為男人可以知道自己有冇戴套,不過女人食咗避孕藥又唔使話你聽,上咗子宮頸環(內地計生政策係可以上環)你更加唔會知啦,就算佢呢幾年一路不設防,但係冇生BB仲有好多原因,例如男人精子唔夠活躍,精子數量唔夠,女人本身有婦科病受唔到精都唔出奇
4.兩公婆性行為次數點先為之正常?其實都冇一個準則,而且响兩地婚姻係好常見,因為每個城市嘅生活節奏同文化都唔同,有時好難夾到時間做啊.再講兩個人嘅事最緊要兩個人夾掂數,有D人係為咗生仔而做嘅,咁佢冇真係想要BB就直頭唔會行埋啦,你地都係受生活條件所限,三個月一次都唔出奇
5.你同佢未試過五日單獨相處,呢個亦都係兩地婚姻一個重要困難啊,兩地婚姻(例如中港)係指兩公婆為咗生活要分居異地啊,咁除非是但一方可以移船就磡,搬去對方個城市生活直到團聚(咁就唔係兩地婚姻啦),就你情況睇,娶個大陸老婆又唔想少過5日相處嘅,一係你返佢個城市工作同生活啦.
6.佢唔想你去佢工作地區住,呢個都係你情我願問題,恕我唔肯定佢係為咗唔係真心愛你(例如佢想响外面偷食梗係唔俾你知啦),又或者佢真係驚你去到大陸搵得錢少唔夠皮呢..另一方面,大肚响大陸都唔係隨便事啊,你地結婚後佢有冇拎到准生證先?响大陸係要攞正牌先生得仔啊,如果佢冇證又大肚,真係驚住未攞到個證去香港就已經俾人捉去落仔啊!咁你都唔想咁吧?
7.佢依家已經攞咗個單程證就未必可以即刻取消到啦,就算你依家搞離婚都搞你一年半載啦..不過單程證係有時間性,如果佢過咗期限唔來香港一樣係作廢嘅!你就睇下唔好帶佢來香港囉.講真,就算佢來到香港都唔會同1你一齊啦,你可以冇眼屎乾淨盲算數.
8.你隨時都可以溝女,只係想玥結婚就要等前一段婚姻所有法律程序完成先得!否則你hi咗重縮就大鑊!
9.你唔使理佢啦...如果你已經死心就去搵定律師搞單方面申請離婚啦,唔影響其他嘢的

2009-10-03 17:51:33 補充：
8.你隨時都可以溝女,只係想玥結婚就要等前一段婚姻所有法律程序完成先得!否則你hi咗重婚就大鑊!

2009-10-03 23:05:54 補充：
下一步?如果你認為呢個女人冇得落去嘅,索性搵律師搞單方面申請離婚啦,因為你地依家感情疏浚成咁,佢甚至唔多想睬你,就算你想調解都冇得調解啦...依家大陸女人為咗:香港人:身份嫁過來香港就可能少過之前嘅,不過為咗過來香港打工搵多個錢OR識個有錢佬嫁過來就多得很

2009-10-03 23:06:35 補充：
搵入境處?似乎又冇咩關係吧?佢依家未正式入境,响香港真係一片空白,香港入境處可能都冇佢資料,你舉報得佢咩先?因為香港入境處只可以處理發生响香港境內or同香港居民有關嘅事情,佢依家仲係大陸人吧...再講,就算佢已經來咗香港,咁佢冇响香港干犯違反出入境管制條理OR違反逗留條件事情(例如做黑工or賣淫),入境處都冇可以趕佢離境吧...
每一個人都有權去唔妥另一個人,不過就唔可以因為私人恩怨令執法部門剥奪另一個人嘅合法居留權利呢.

2009-10-05 18:13:36 補充：
10:正如好多網友意見一樣,你今次單嘢就當係愛一個上一課啦,人生路幾十載,你同我都唔知幾時先行得完,有好多嘢真係出乎我哋意料之後嘅都會發生,就唯有交多少學費,付出時間去買個教訓,第二時學精D啦.

11:假設你唔同意離婚,就睇兩個情況:

1)佢肯單方面申請離婚,一樣係過一段法律程序嘅時間之後你哋各不相干,你有你生活佢有佢精彩

2)如果你唔同意離婚,佢又拖住唔理,咁你哋咪一路做一對有名無實嘅合法夫妻,問題就係大家都唔可以再同另一半結婚,要係响大陸就可能連同居都會有D影響

非常容易回答: 單方面申請離婚
無優又無慮,,,一身輕鬆,,,,

讓她走吧!

你其十不愛她.

你只係面子上面過不去.問下自已你比過D咩也比人地.做男人就要負責任你對她好像沒負過責任.她這麼多年都係自己靠自已.

一張身份證有什麼了不起.


現在大學生都難覓工.更何況新移民.放手吧!好來好去.

樓主你好,

本人應為一個男人要學會（瀟灑）這兩個字。

你問清楚自己你喜歡她什麼？而她又喜歡你什麼？

見得太多了，大多數都是互相利用。

信多一次，錯多一次，以后你就凄涼囉。

又令外一個角度去看，你可以當如做善事吧，這樣你會好過一點。

最後祝你好運，再見