✔ 最佳答案
睇下你入去做咩喇,如果係諗住上去飲茶既,沙田坳有間士多,如果想去行山既,沙田坳又可以接行山徑,如果想去野餐既,沙田坳後面又有野餐區,但如果去燒烤既,竹園道後面既獅子山公園己經幫到你,呢個係最近市區的.
入沙田坳方法:
在慈雲山北巴士站後面有條樓梯,沿樓梯上,行至一定距離後,即係過左D竹後,有條樓梯,沿住樓梯上便是沙田坳道,轉右沿馬路行,便至獅子亭,風景頗優美的,而隔離亦有間士多,有面食,有汽水等等,而在公廁隔離條車路,沿路行一陣,右方有個指示話去博康(地下白色字)/郊遊地點(指示牌),係果度野餐都唔錯
或可以沿沙田坳道上,即係E出口果個小巴站果度,沿路一直上斜,過左法藏寺後繼續上便至
而其中E出口至法藏寺路程,可以小巴18號取代.
入獅子山公園燒烤方法:
在橫頭磡富美街向竹園道方向行,過馬路後轉右,一直行至過橋後,不久左方便見一梯,沿路上便至.