help倉鼠有重病怎麼辦?~杰入

A.口腫可能係有食物整唔返出唻,口內有瘡or腫瘤,鼠鼠身體細小,有研究指出,一整天冇食野已經易血糖過低,要睇醫生打針先得;如果係腫瘤既話係有機會遺傳,但都要留意俾鼠鼠食既野會唔會有問題,而幾隻鼠都有同樣情況,都最好唔好再繁殖落去,避免真係遺傳而繁殖出更多問題既鼠睇醫生既時候要記得同醫生講鼠鼠食唔到野,應該就會俾D粉你開水俾鼠鼠食,好似糊仔咁既,鼠醫生資料及睇醫生要留意既事可參考:
http://hk.knowledge.yahoo.com/question?qid=7009031901757
食物整唔返出唻同口入面既瘡多數係因為有尖既野整穿左鼠鼠既腮,再有細菌感染而做成,呢個情況一定係要搵獸醫先可以解決到,仲要盡快,如果唔係,個瘡爆左,咁就好難好返架啦
放膿or整腫瘤都要落麻醉藥(放膿要睇情況),你既鼠年紀開始大,就要考慮清楚先好決定,老左既鼠好難承受到麻醉藥既

睇醫生同時可以做住以下既野先:
1)有第隻鼠既話要分籠,患病既鼠被第隻鼠乘虛打死(鼠鼠本身係獨居動物,其實咩情況都係一籠一鼠較好),加上多一隻鼠易令生病既鼠多一分受細菌感染既機會,而且佢地好可能已打交
2)保持環境乾爽清潔,避免有更多細菌再令鼠鼠受感染
3)檢查籠入面有冇野整親鼠鼠,瘡既話係有外傷再受細菌感染而做成
4)擔心鼠鼠唔舒服會覺凍,如果鼠鼠有身凍既問題,就唔好俾風直接吹到鼠鼠,要鼠鼠保持溫暖;但冇咁既情況在熱既時候,就要多加留意散熱問題,熱天要留意既事可參考:
http://hk.knowledge.yahoo.com/question?qid=7009061900335 第2點
5)口有問題係好易令鼠鼠食唔到野or唔食野,要用手直接餵鼠鼠食野飲水
6)如果鼠鼠食野困難令佢唔係點食野,可以俾一d有營養既野佢食.可以試下俾d麥片or白麵包佢
7)鼠鼠唔舒服會更易受驚,受驚會令病情惡化,除左檢查及治療外,都唔好打擾鼠鼠
8)另外,鼠鼠過左一歲就開始老,照顧年老鼠要注意既事,可參考以下我回答既知識:
http://hk.knowledge.yahoo.com/question?qid=7008040603097

B.其實要避免鼠鼠既腮穿,記得要留意以下幾點:
1)避免有尖銳食物or用品俾鼠鼠
例如俾一條長木俾鼠鼠磨牙,鼠鼠有可能會塞入腮帶住周圍行,唔好以為唔係野食就唔會,我有隻鼠真係試過,好在冇事
而用既木糠都要揀過先好俾鼠鼠用,木糠有時會有好尖既木在入面

2)避免放好大舊既食物俾鼠鼠
例如有d草磚都幾大舊,又或合桃連殼都好大粒,如果鼠鼠塞到入腮,就會有危險

3)唔可以俾糖,朱古力等黏性食物
雖然呢樣同腮穿冇關,但都會令腮有膿瘡,黏既食物好易因停留在腮內而令腮發炎,所以都係好危險既

平日正常時只係俾混合主糧同時都可以加d鼠專食既牧草or草磚已經好足夠,而家既鼠糧都係經研究而鼠成,好有營養既,而主糧係指一包有好多種唔同野食既糧.我 近年既鼠就只係食主糧,我個人經驗係愈少雜食,鼠鼠身體愈健康,可以去到年老都冇病,但都要留意,唔好俾鼠鼠偏食,差不多食晒D糧先再添加會好D,唔係就好易食晒入面既瓜子
俾鼠鼠食既野要留意既事詳細可參考:
http://hk.knowledge.yahoo.com/question?qid=7009080600917

C.眼凸可能係鼠鼠整唔到野食出唻OR腮唔舒服,成日推個腮而整到隻眼咁,亦可能係受傷引致,需要睇醫生處理,唔理既話太凸太傷既話,眼球可能會趺出唻
睇醫生同時可留意以下既事:
1)發炎既話多數係因為環境污糟or整傷左隻眼引致既.檢查下環境有冇d咩物品會整到佢
2)木糠會唔會太碎太尖呢?(較平既木糠一般都係會較碎)
3)如果有第隻鼠一齊住既話,就要分籠,因為好易係因為打傷而做成既,加上有多隻鼠既話會增加細菌感染or乘虛打傷既機會
4)除左食水放近佢之外,其他物品就盡量唔好變更位置,擔心鼠鼠日後會失明而唔記得路
5)如果佢係開唔到眼,將水,食物放近佢,如果佢都係唔識去食既話,要餵佢食野,睇下食唔食
6)保持個籠乾爽清潔,減少細菌感染既機會
7)鼠鼠眼睛咁樣,應該會對外界更加驚,所以冇必要都俾鼠鼠靜下,保持安靜
8)眼疾好難自己去醫,所以最好就帶鼠鼠去睇醫生啦,市面上我都見過都有d眼藥水既,但係咪真係適合用就好難講,加上始終就咁講唔可能100%肯定係咩問題

2009-10-04 06:22:01 補充：
唔洗客氣,希望鼠鼠會冇事啦

2009-10-05 14:22:36 補充：
鼠鼠好好多就好啦,咁快BOOK到林醫生做手術算好彩了,希望之後快D好返晒啦

您好， 我推薦您一個關于寵物養護的資源網站，上面有很多很不錯的資源，肯定會對您有所幫助。

http://www.pet-lover.info

祝您好運！

bring佢去睇doctor...

唯有帶佢睇獸醫，如果唔係你等著幫佢料理後事！！（唔係講笑）