係咪拍施就多數發生性關係?

樓主既問題完全係胡說八道。小弟同我認識既人都係非常普通既香港人，當中奉子承婚或做未婚媽媽既人佔極端少數(我唸左好耐先至唸到一個例子，而且我唔係好肯定)。當然可能係小弟未夠交遊廣闊，而唔係上述兩類人亦唔代表佢地拍拖時無婚前性行為。但以小弟同身邊人既普通程度黎講，我地既經歷有一定代表性，證明婚前性行為至少唔係好似人要呼吸咁既普遍現象，而只係某部份人既自我選擇。
甚至我可以夠膽講，婚前性行為只係近一代先至較普遍，而且亦只係少部份人既選擇。首先小弟聽過好多長輩講佢地幾十年前既拍拖經歷，而且來來去去都係嗰幾個故事。祖父輩們多數係指腹為婚，到我父母嗰輩，佢地已經係完全既自由戀愛，而且戀愛故事、溝女怪招、拍拖節目多到一籮籮，極之有創意。但有趣既係當時既男女唔單止好潔身自愛，而且非常醒目，如某人想有不軌企圖，唔好話做出來，連講下都隨時會被對方施以絕交之極刑，所以當時大家根本就唔敢亂來，尤其係男仔，因為當時香港男多女少，寡仔最驚娶唔到老婆，所以溝到女都要當佢神咁拜，平時點爛佬都要係拍拖時執到正一正，比個女仔有個好印象，咁樣先至有機會氹到個女仔結婚。
係近廿年到我地嗰呢代先至聽得較多婚前性行為，而呢代亦多左女仔自貶身價，任個男仔魚肉。我成日聽我啲女性長輩吹噓佢地有幾多男仔追，唔好話有越軌行為，連出一次街個男仔都要出盡法寶去約佢地，根住就輪到班女仔“揀卒”，睇下同邊個出去，而且全程個男仔要氹得個女仔開開心心，如果唔係無下次。我初頭聽絕對拒絕相信，因為有份吹水既姨姨嬸嬸就算係後生既時候個個都唔係靚女(有相為證)，點有可能咁誇張﹖但當個個都係咁講既時候你又無得唔信。
但依家有唔少女仔都真係cheap左好多，成日比位啲男仔入，而且思想太幼稚，又受愛情小說影響太大，令佢地有唔少人身體已經發展成熟，足夠吸引鹹濕仔，但智慧年齡又落後多年，於是最後有好多少女變左未婚媽媽。不過話說回頭，我身邊既朋友大部份都好醒，除左上述嗰個有啲問題外，全部都成家立室之後先至生兒育女，依家有唔少幸福家庭。
之所以樓主有錯覺以為依家啲人拍拖一定有性行為，除左有唔少年輕男女心智嚴重未成熟之外，媒體不負責任誇大問題，同埋淫賤傳媒大恣宣揚性開放觀念有關。我建議樓主多啲聽身邊既人講佢地自己既故事，然後自己分析咩先至係事實，唔需要聽啲不負責任媒體亂講。

2009-10-03 21:23:13 補充：
如果樓主要做咁精確既學術研究，只有大學先至幫到你，因為我相信只有經過詳細而廣泛既調查先至有樓主要求既精確答案。如果只以小弟既吹水角度，香港人仲唔算好開放，只係儍更更既年輕男女多左姐。

係咪拍施就多數發生性關係?
當然吾系 : 有好多原素要考慮 !
1) 宗教信仰 : 有通常吾會做 !
2) 立場 : 如果個女仔系處女 , 大多數想結婚先做 !
3) 感覺 : 女仔會怕痛 !
4) 年齡 : ( 10 -16歲 ) 通常吾會做 , 因驚犯法 !
( 50 -55歲 ) 有心冇力 !
5) 心理 : 系咪性冷感 / 好憎恨 .....
所以吾一定會做 !

不是

因為有好多男仔想發生性關係 但係女仔吾想

男仔沒有理會女仔感受 所以好多都係男仔衝力(吾小心強姦左個女仔)
令到個女仔有一世的陰影