我隻倉鼠個口好臭

希望網友leungpingchuen可以尊重一下,唔好copy我既回答,我所有回答除提供必要既官方資料外(例如環保署處理動物屍體方法),都係自己親自打出唻,希望大家都可以尊重原創,謝!抄襲既係以下我回答既知識:
http://hk.knowledge.yahoo.com/question?qid=7007060802885

A.鼠鼠口臭既話,要留意以下既事:
1)長期收埋食物
鼠鼠好喜歡收埋食物入腮,有時岆得少就會唔多覺眼,放得耐既話食物就會在腮腐難,形成臭味

2)腮穿
腮穿左既話,食物放左入去就整唔返出唻,咁既話就要盡早搵獸醫處理,唔係耐左好易有細菌感染,就會形成膿瘡,咁就難處理得多

3)腮膿瘡
口入面生粒口都會好牧,瘡係因為有尖既野整穿左鼠鼠既腮,再有細菌感染而做成,呢個情況一定係要搵獸醫先可以解決到,仲要盡快,如果唔係,個瘡爆左,咁就好難好返架啦.
獸醫可能會幫鼠鼠放膿,要唔要放就要睇實際情況先知,由於有細菌感染,應該就會用抗生素治療.如果係用抗生素既話,必須定時服用晒所有抗生素,絕不能中斷

B.而家可留意以下既事:
1)留意鼠鼠口內會唔會生粒
2)睇下鼠鼠有冇放食物入口or整食物出唻,咁就知道個腮可唔可以正常整整出整入
3)檢查清楚臭味係咪真係由口發出,鼠鼠身體細小,有時未必能夠確定到臭味所在;特別要睇下會唔會係腺位發臭,腺即係鼠鼠發出體味既地方,小灰霸之類細隻既鼠,腺位係同下方排泄位置成一直線,大約在底部中心,熊仔鼠既腺就在身既側面中間位置,正常既情況下係會有少少凸起咁,不過唔係隻隻鼠都咁易睇到
4)有第隻鼠既話要分籠,令環境更衛生,減少壓力令鼠鼠多左收埋食物(鼠鼠本身係獨居動物,其實咩情況都係一籠一鼠較好)
5留意有冇d咩令鼠鼠受驚
6)口有粒野or腮穿左,係好易令鼠鼠食唔到野or唔食野,留意鼠鼠有冇咁既情況,有既話就要用手直接餵鼠鼠食野飲水
7)如果鼠鼠食野困難令佢唔係點食野,可以俾一d有營養既野佢食.可以試下俾d麥片佢
8)保持環境乾爽清潔,避免有更多細菌再令鼠鼠受感染
9)腮有問題就要盡快睇醫生處理,鼠醫生資料及睇醫生要留意既事可參考:
http://hk.knowledge.yahoo.com/question?qid=7009031901757

C.其實要避免鼠鼠既腮穿,記得要留意以下幾點:
a)避免有尖銳食物or用品俾鼠鼠
例如俾一條長木俾鼠鼠磨牙,鼠鼠有可能會塞入腮帶住周圍行,唔好以為唔係野食就唔會,我有隻鼠真係試過,好在冇事
而用既木糠都要揀過先好俾鼠鼠用,木糠有時會有好尖既木在入面

b)避免放好大舊既食物俾鼠鼠
例如有d草磚都幾大舊,又或合桃連殼都好大粒,如果鼠鼠塞到入腮,就會有危險

c)唔可以俾糖,朱古力等黏性食物
雖然呢樣同腮穿冇關,但都會令腮有膿瘡,黏既食物好易因停留在腮內而令腮發炎,所以都係好危險既

其實只係俾混合主糧同時都可以加d鼠專食既牧草or草磚已經好足夠,而家既鼠糧都係經研究而鼠成,好有營養既,而主糧係指一包有好多種唔同野食既糧.我 近年既鼠就只係食主糧,我個人經驗係愈少雜食,鼠鼠身體愈健康,可以去到年老都冇病,俾鼠鼠食既野要留意既事詳細可參考:
http://hk.knowledge.yahoo.com/question?qid=7009080600917

2009-10-02 23:00:22 補充：
間中都睇到你話入院,雖然唔知咩事,但真係好希望你早日康復
小心身體吧!

你餵過隻倉鼠 食咩野

有好多食物 倉鼠食多 個口會好臭的

如果你隻倉鼠個倉d倉好多 過左好多日 個倉都係好多的話

你要帶隻倉鼠去睇e生 因為你隻倉鼠可能生病/把食物拿不到出來

你講既資料好少,或者你可以講下鼠鼠仲有咩同平日唔同,例如會唔會好累之類.你係話成隻鼠口臭可能有粒白色野生在咀兩邊?

如果只係計生左2粒野,就可能係瘡or腫瘤,兩樣都需要睇醫生先可以處理得到既.愈早睇醫生,好返既機會愈大.生粒粒係有機會令鼠鼠變得臭,因為多細菌,醫好佢係最好既解決方法.

粒野會吸晒隻鼠既營養,所以俾多d有營養既野佢食,麥片,白麵包都ok,其他零食就唔好食啦,戒下口先啦.

瘡爆左既話就會好危險,好易細菌感染,特別係在咀邊,好易版鼠鼠整穿,及早睇醫生吧!

而腫瘤有分良性惡性,但都一樣對鼠鼠唔好,惡性腫瘤會致命既.就算良性,吸左隻鼠既營養,都會引起其他問題.初期有腫瘤可能隻鼠其他生活習慣都唔會有咩影響,但你唔好因為咁而輕視呀.

所以建議你都係帶佢睇下醫生會好d,可以去愛護動物協會度睇,去睇醫生分分鐘平過你自己買藥俾佢食,而且醫生既藥又比街外既藥多種類,又可以俾醫生睇下佢有咩事.

愛護動物協會診所資料:

http://www.spca.org.hk/chi/vet/vetclinic.html


愛護動物協會流動醫療車資料:

http://www.spca.org.hk/chi/vet/moclinic.html


唔會去睇又或未咁快去到既,可以做以下既野先:


1)有第隻鼠既話要分籠



2)保持周圍既環境衛生



3)唔好俾風直接吹到鼠鼠,要鼠鼠保持溫暖



4)俾一d有營養既野佢食.可以試下俾d麥片or白麵包佢(得呢兩類人既食物我會俾鼠鼠食,仲係有病先會俾)



5)如果鼠鼠唔食野唔飲水,就用手直接餵,都係唔食既話,就要俾d耐性試多d,鼠鼠唔舒服,又會好累咁,係冇咩胃口既


參考資料



口入面既瘡係因為有尖既野整穿左鼠鼠既腮,再有細菌感染而做成,呢個情況一定係要搵獸醫先可以解決到,仲要盡快,如果唔係,個瘡爆左,咁就好難好返架啦.
獸醫可能會幫鼠鼠放膿,要唔要放就要睇實際情況先知,由於有細菌感染,應該就會用抗生素治療.如果係用抗生素既話,必須定時服用晒所有抗生素,絕不能中斷.



處理方法
a)有第隻鼠既話要分籠,避免患病既鼠版第隻鼠乘虛打死(鼠鼠本身係獨居動物,其實咩情況都係一籠一鼠較好)
b)口有粒野好易令鼠鼠食唔到野or唔食野,留意鼠鼠有冇咁既情況,有既話就要用手直接餵鼠鼠食野飲水
c)保持環境乾爽清潔,避免有更多細菌再令鼠鼠受感染
d)盡快睇醫生


另外,鼠鼠成日放大量野入腮,當鼠鼠整返腮入面既野出唻既時候,有時會反左個腮出唻,鼠鼠再推個腮入口時,有時你會見到係一舊舊肉咁(好多薄既肉堆埋一齊,就好似一舊肉).
要仔細留意,你所講既情況會唔會係咁,始終鼠鼠既唔係成日睇得咁清楚(除非你勉強打開佢口,但唔識整係對鼠鼠唔好,仲好易被咬)
如果係呢個情況,係冇事既,但都要避免俾尖同黏既物品俾鼠鼠,唔係好易令鼠鼠既腮出現問題

但你隻鼠會有好臭既情況,就似係有膿瘡多d,你同佢仔細檢查下啦