幾名友人俾人拉完兩日之後就上court 唔俾保釋
第一被告係佢地老闆 因為係餐廳飲醉酒 幾名友人就去接佢
佢地去左之後已見第一被告同該店老闆發生爭執
當時係第一被告向該店老闆勒索 但係錢就俾左友人a袋
友人a當時都唔想收 但係第一被告又發晒脾氣 終於袋左
之後第一被告又再向老闆再次勒索 餐廳員工見到後已報警
咁因餐廳老闆身上已經無咁多錢 第一被告開始打佢
友人a,b同c都有郁手 而友人d就因為一直同緊女朋友傾電話 無郁手
之後佢都推開兩邊 咁無耐差人就到 拉晒佢地
上左第一堂 佢地提出每人一萬元保釋同交出旅遊證件同每日返差館報到
友人d再加多個理由係屋企有老豆同一個9歲既女要養 同埋未婚妻已經有左兩個月
並患有產前抑鬱 有醫生紙證明 個官都係望左兩眼
但係個官都唔批 聽返個律師講 話個官一開始已經唔諗住批 無論咩條件佢都唔會批
乜個官真係可以咁判既咩 如果唔滿意既可以點做 而家佢地全部還押到11月中
我想問下係唔係一個唔俾保釋就5個都唔可以保釋
因為我覺得友人d應該有足該理由保釋 而且友人b,c,d都無同錢有接觸 b,c只係郁手打佢 d就只係推開佢地一下
佢地都俾人告埋勒索
律師話可以有一次上訴高院既機會 但係如果而家就上訴就太早
我想問友人d基本上係唔關事 但因為在場既關係俾人拉埋
我想幫佢上訴保釋 成功機會有幾大
友人a因為有收到錢 俾差人搜到d錢 咁佢係咪好難打甩勒索
最主要我想問既係友人d有無得保釋同埋佢有無機會打甩 因為佢係屋企經濟支柱 全家得佢有收入
佢未婚妻遲d又唔方便工作
更新1:
因為d既原意係想去帶走第一被告 並唔知道第一被告當時係勒索 當d去到既時候 已經係第二次勒索既時候 而d當時亦有勸左 不過由於當時第一被告已經可以話不受控制 佢份口供都係咁 但係呢d會唔會俾個官覺得係藉口??
