買哮喘藥Ventolin Inhaler 問題

你想死
噴氣都唔得既話
依個就唔係你搞得掂既問題
最怕就係發炎啦心肺問題啦依d
你買多多支噴多多下都冇用

去睇醫生醫生咪會開支新既比你囉
搞咁多野做咩啫
你估一支ventolin真係平過你睇醫生好多
睇醫生搵到係咩事令你咁喘既
真係醫好個問題好過

你如果真係有咩急性問題又唔搞佢既
輕則拖耐左有排醫又要住院依樣個樣
重則半夜死左唔知咩事

我做急症上年都係差唔多時候
就收左兩個後生既哮喘發作死左
真係孤兒寡婦呀陰公

急症既話如果你條氣係有事既都唔會要你等咁耐
半夜有事就去睇急症啦
就算真係有24小時藥房
真係有人幫你買到番黎都死Q左啦

在所有有"R"加一劃的藥房有售(即係有註冊藥劑師的), 唔駛醫生紙. 約幾十蚊.

因暫未聽聞香港有街外藥房會開24小時, 所以若半夜發作唯有睇醫生. 醫生度有些都會有 ventolin inhaler, 可考慮看公家急症室(不過要等九世), 或私家醫院急症(不過預佢成千蚊好貴), 或睇24小時的私家診所.

好心買定個響屋企啦, 又平又易買, 起碼唔駛有事的時候有排搞.

2009-10-12 04:06:53 補充：
其實，有多年哮喘的人，會好清楚自己個身體狀況：氣管收到有幾窄、有幾喘、黎得有幾急、甚至，若程度輕微，某程度上仲可以用意志力／身體擺去一Ｄ特定位置來令自己短暫時間（頂到約三幾分鐘）唔好喘住。

有時，若自問ＯＫ，唔想下下睇醫生，係因為怕煩。雖知道睇醫生（尤其是急症室），真係等到發毛，等得黎可能已經唔喘，咁睇黎做乜鬼？我都明白理論上有事應該睇醫生，但有邊個會比個病人更加了解自己情況？當求其噴兩下，等幾十秒，就可以舒服晒，那為何仲要唔噴，要忍幾個鐘抖唔到氣，走去睇醫生呢？

當然，我明白呢個世界存在一Ｄ唔理自己身體既人，一味覺得自己搞得掂，唔入院，最終死左都唔知乜事。

2009-10-12 04:07:21 補充：
而我就好清楚，噴一兩下，等幾十秒，若唔掂，噴多一兩下，再等幾十秒，仲唔掂，就會即時飛車去醫院（再唔去就好似鄧麗君咁，死得）。若一日內發作多過兩次，持續幾日，自覺情況差左，就算個噴得掂都好，我就會食Ventolin tablets幾日，黎穩定個情況先，再決定睇唔睇醫生。

所以，大家又唔駛講到咁嚴重咁擔心。

而Ventolin Inhaler對哮喘病人黎講，係非常緊要的，一定要隨身帶（就算落街買野），若唔記得帶，整天都會好冇安全感，所以我絕對支持亦明白發問者買定一兩個放身邊。

2009-10-12 04:07:43 補充：
理論上，Ventolin Inhaler響藥房買係要醫生紙，但實際上，我買左幾十年走遍港九新界各藥房買過不下過百個，未試過一次冇醫生紙買唔到，價錢亦真係只需要幾十蚊。唉，買到咪得 law, 最緊要身體冇事，個心又有安全感，係咪？

// 其實除左Ventolin Inhaler 仲有冇其它哮喘藥介紹? 因為我好似比以前嚴重好多//

哮喘藥咪亂轉，若想轉藥，真係問返醫生好Ｄ。
其實你係咪用左　Ventolin Inhaler　都止唔到喘姐？若係既話就好飛去急症室喇！還是你只係發作密左咋，若係既話就搵日得閒去睇個私家看看啦。