坐月有什麼食物不可以食?

聽講坐月不可以食菜、飲水等,其實坐月有什麼食物不可以食?

生冷野, 海鮮熱毒野都唔好食住
食菜可以, 不過落多幾片薑, 因為驚會寒, 寒涼既菜都唔好食 (苦瓜, 白菜, 生菜, 通菜), 生完得菜心, 節瓜, 菠菜果D食得

水都飲得, 不過要飲暖水, 如果可以有人幫到手, 最好整紅棗薑茶飲
我自己生完就飲圓肉杞子紅棗薑茶, 用黎代替滾水飲

用真空煲, 煲大約2支半--1.25升分量o既水, 放30粒去核紅棗, 幾粒圓肉(想甜D可放多少少), 杞子, 薑幾片 (薑係行血架, 幾片好啦, 等惡露排完先加多D), 煲滾放落真空煲, 我多數夜晚煲滾放落真空煲, 第二朝飲一日囉

生完第一日可以用白背黑木耳, 煲湯, (黑木耳, 瘦肉, 幾粒紅早, 幾片姜) 煮送 (黑木耳蒸瘦肉片)

三日後十二朝前可煲清雞湯, 十二朝後可飲藥材湯,(淮山, 杞子, 北旗, 黨參, 紅早煲雞)

如開刀要十日後先好飲藥材湯, 同埋唔好食生魚呀

行血既野食, (當歸, 姜醋) 要等惡露完全乾淨先好食, 但姜飯 OR 用一兩片姜炒菜OK架

奶奶話不可沖涼、要穿長衫、長褲(不論在家或外出)

老人家話唔可沖涼, 係驚入風同冷親, 我自己就用薑水沖涼, 沖完要快D抺乾身穿番衫, 總之小心D唔好冷親便可, 或沖涼時開埋暖風機, 至於要穿長衫、長褲都係一樣道理, 我自己就無穿, 太熱頂唔順, 如果你同奶奶住, 又頂得順, 最好跟佢意思做囉