探監問題, 不懂申請, 請幫忙

1. 如果佢被判有罪而唔准保釋等候上訴, 就會被拘禁在荔枝角收押所等侯判刑. 等侯判刑拘留期間每日可探一次 (星期三休息無探訪), 每次10分鐘. 因為每日得 1 次, 所以應該同佢家人朋友夾好, 輪流探佢, 以免有人探咗你白走一次.
如果你想探佢, 要由佢向獄方申請在探訪名單加你個名, 否則你就探唔到. 咁嘅規定係防止犯人被搔擾, 例如仇家, 收數佬, 二奶等.
如果你識佢家人, 可托佢家人傳口訊叫佢在探訪名單加你個名, 記得問埋佢犯人編號. 寫信無犯人編號會好耐先收到.
如果你唔識佢家人, 可寫信去荔枝角叫佢加你名.
2. 你可打電話去荔枝角問吓佢轉咗去邊度. 但因私隱, 未必一定答你. 唔答嘅話就只有寫信俾佢. 寄去荔枝角, 如果佢轉咗監獄封信會轉去新監獄. 但會好耐, 亦未必收到, 因為監獄有好多個陳大文, 吳國強, 伍小明...
如果佢判咗刑, 會轉監獄. 到時就每月只可以探 2 次, 每次 30分鐘. 所以應事先寫信或同佢家人安排.