上年11月,一名清潔員進行一項唔係佢既職責內的工作時扭傷腰(那份工作係由男同事做),當時冇証人,而我亦陪她去急証室診治,醫生話骨頭冇事,是肌肉扭傷,比左一星期假,她之後再睇醫生,話醫生話原來骨頭"歪"左,之後佢就一直冇上班,佢每次交返黎既假單都只有兩三天病假,而且唔洗覆診,公司安排了物理治療比佢...做了幾次佢話做完物理治療後仲更加痛,所以唔去做物理治療,物理治療迫面話佢可以返工,所以安排左8月頭覆職,我比佢掃半個鐘頭地可以休息半個鐘,返左幾日佢就收到勞工處的判傷,佢話唔識睇叫我幫佢望望,係5%,之後佢話又覺得痛,所以唔返喇,後來知道佢提出上訴,...期間我一直都有聯絡佢,安排一個唔洗做野淨係坐既工作比佢,佢又話坐得耐會痛...叫佢做物理治療佢又話唔做...我真係搞佢唔掂...
問1:佢提出上訴,可以高過5%,低過5%,不變,通常都唔變,就以上既情況,會唔會變呢?因為公司有類似情況,都係2%或3%,如果佢唔滿意上訴結果,要再上訴,係唔係去法院?係咪搞好耐?
問2:佢大約4x歲,人工1日180蚊,工傷前係我公司做左5個月...5%佢可以賠幾多?
問3:佢到依家都未返工,咁勞工處係唔係判唔到傷?
問4:佢都工傷左成年,佢最長可以工傷幾耐?2年後仲係腰痛,咁又點?
問5:如果有日佢返左工,唔係工傷緊,因為工作上既過失,我有合理理由,我可唔可以炒佢?炒人係唔係可以唔洗理由?公司cut cost可唔可以係一個理由?工傷完幾耐我唔可以炒佢?因為我見過工傷完成年後炒佢公司都比人告.
問6:check佢係唔係騙工傷係由公司,保險做定勞工處做?
好長故事多野問好,唔該哂.....
懷疑遇到職場騙工傷老手,請”東南西北”提供意見!
2009-09-30 9:32 pm
回答 (3)
2009-10-09 8:58 am
✔ 最佳答案
對不起，前排比較忙冇上網，好彩仲趕得及解答你的問題！ 你講呢一個案的確有疑點存在，如果真係『骨頭歪咗』，應該係睇骨科而唔係普通科，咁嚴重嘅情況每次病假都至少一兩個月而唔係兩三日，不過你又唔使咁操心，賠償係由保險公司負責，保險公司亦唔係省油的燈，如果佢地認為有問題就自然會做嘢，曾經有案例係連工傷病假都可以被推翻，想呃保險公司真係唔係咁易架！
答1：你講嘅應該唔係上訴，佢祇係向勞工處反對判傷結果而接受覆判，一般情況下超過8成的覆判結果都會維持原判；如果對覆判結果仍然不滿，唯有將個案上訴至法院，由法庭審理。
答2：判傷的補償係以『每月收入』去計算，你可以用之前5個月出糧嘅平均數作為計算之用，而受傷僱員於意外時係四十幾歲，賠償金額的計算程式是：『72個月收入』乘以5%，不過因為此員工的日薪太低，若果『72個月收入』的金額不足$344,000，仍會以$344,000作為最基礎，即5%的最低補償金額為$17,200。
答3：返唔到工同判傷冇直接影響，因為返唔到工的原因可以有好多，在受傷僱員向勞工處反對時，需要簽署『同意書』給予勞工處去提取醫事紀錄，《職業醫學組》會根據醫事紀錄的情況去安排覆判的日期，同唔返工冇任何關係。
答4：根據法例，正常情況下工傷病假最多可以放兩年，不過都冇乜幾個個案可以放足兩年工傷病假，因為當治療超過12至15個月仍未能康復的創傷，西醫會將之介定為創傷的後遺症，屬於無法根治的損傷，需要接受判傷以金錢作為這些後遺症的補償，當補償完成後表示個案正式完結，就算繼續腰痛僱主亦無需承擔任何責任。
答5：僱主要炒人可以有千千萬萬個理由，但係就唔可以於工傷期間作出解僱，你的個案最快要等到《表格9》覆檢評估證明書發出後，才可以合法地進行解僱，而一般僱主經常犯上的錯誤，是以工傷作為解僱員工的理由或原因，這樣便會違反殘疾歧視條例，就算十年後炒人都會比人告啦！
答6：如果認為個案存在疑點，祇要將懷疑的理據知會保險公司已經足夠，因為保險公司有充足的人力、物力和財力對個案作出專業的調查，不過就算保險公司要做嘢都唔會通知僱主一方，因為要避免打草驚蛇嘛！
如有任何相關疑難，可瀏覽本人對其他工傷個案的解答：
http://hk.knowledge.yahoo.com/my/my_answer?show=HA00528400
或直接網上來信查詢，能力範圍定必盡力解答！
2015-10-06 4:55 am
想請教sk關於工傷的問題
收錄日期: 2021-04-16 00:01:29
原文連結 [永久失效]:
https://hk.answers.yahoo.com/question/index?qid=20090930000051KK00536