倉鼠成日尖叫 .. 杰請入 .. thx!

我就冇話過鼠鼠咬籠要彈籠邊,請問係邊度睇到呢?想睇下係咪打錯字,謝謝A.鼠鼠平日都會叫,但因為音頻唔同,所以平日既叫人係唔會聽到.而當鼠鼠叫到人都聽到既時候,多數因為驚同痛苦,加上同時有咬籠既習慣,就要多加留意會唔會係一開始就太急同鼠鼠有接觸,又或做左D咩令鼠鼠受驚,亦要留意,在鼠鼠受驚時,並唔適合教鼠鼠唔好咬籠

因為聽到有聲都唔係好事,所以檢查有冇以下幾點:
1.環境,人等令佢感到壓力
換新籠鼠鼠係需要時間去習慣,本身鼠鼠都KEEP住叫,加上未習慣就彈籠邊,如果有第隻鼠在籠既另一邊,鼠鼠就會更加驚
都要留意個籠有冇咩地方會令鼠鼠易整親,例如籠既地板,樓梯,轉輪等會唔會唔安全而整到鼠鼠呢?如果呢d都係一間間,鼠鼠行到既地方唔係密封既話,係好易卡住鼠鼠既,就算鼠鼠走得甩既,都會令鼠鼠感到不安or痛苦;會唔會係用左粒狀墊材?呢樣都易整傷鼠鼠既腳;球體轉輪or玩具都會令鼠鼠感到壓力
留意下屋企有冇其他動物,人或物品令鼠鼠不安;搬籠or籠既位置等問題都會令鼠鼠感到壓力;就算一籠一鼠,同第籠鼠太接近都會令鼠鼠不安,可以將鼠籠放遠d

2.疾病影響
留意鼠鼠有冇咩野同平日唔同,有冇外傷等,要仔細檢查及留意鼠鼠身體同埋排泄物有冇異常

3.同你唔熟
新買返唻既鼠都會好緊張,未習慣環境同人,而買耐左唔熟既話都一樣要慢慢建立關係,如果一開始就有太急進既行為,就好易令鼠鼠受驚,愈急就愈令鼠鼠怕左你,有D人會因為咁而鼠鼠一生都未同過鼠鼠熟
等到鼠鼠冇叫,情緒定落唻,再俾佢靜兩日,再試呢個方法慢慢同鼠鼠建立關係,以下既步驟唔係幾日內就做到晒既事,唔好太心急,唔係反而對鼠鼠唔好:(耐左都同鼠鼠唔熟,都可以試下做)
a)你可以隔住個籠叫多d佢,在籠邊拎d野食引佢埋唻(主要係想有食物袋既聲音俾佢聽到),隔住個籠俾野食唔會咬到你,唔洗擔心;唔一定要拎零食引佢,拎主糧入面既野食都ok架啦,唔食零食會健康d.日日叫佢都有野食既話,佢好快就會記得你把聲or裝食物既袋既聲音,我覺得鼠鼠認食物袋既聲比較快
b)叫鼠鼠既名時,最好用疊字,會令鼠鼠更易記得,平日對鼠鼠既指令,例如叫鼠鼠食野之類,都最好用疊字或簡單聲音,鼠鼠係聽唔明你講野既內容,只係會記聲
c)等到你地熟d,做到你一行過佢就行埋唻or冇咁驚你,之後你可以試下伸隻手入籠隻俾野佢食
d)再熟d再試下俾野佢食既摸下佢頭or身
e)佢都唔抗拒之後,可將食物放在手心,等佢行上唻食,慢慢佢會習慣左你既手
f)再熟d就可以抱佢,抱既時候唔好忽然由頭or從後抱起佢,咁會令鼠鼠以為有敵人攻擊,最好慢慢叫住佢先抱佢,如果抱唔到,可以用乾淨既杯唻俾佢上去咁樣抱

B.咬籠其實主要係因為鼠鼠牙痕,而緊張or感壓力都會,所以要留意鼠鼠牙齒既情況,同埋鼠鼠唔會受驚受壓,如果一籠多鼠,鼠鼠都會較易咬籠(鼠鼠本是獨居動物,有第隻就會感到壓力OR打交),有第籠放得太近都可能有影響,呢D原因既話就必須先改善問題,唔係點做都冇咩用
通風式既籠,好多鼠鼠都會咬,但唔好由佢,一來咬甩d油食落肚唔好,二來咬得多好易令鼠鼠鼻下同咀下甩毛甚至損,外傷再受細菌感染就會形成膿瘡,就一定要睇醫生先處理得到,而且都幾嘈下,可以換過個籠,亦可以教下鼠鼠
記得唔好在佢咬籠時放佢出唻or俾野佢食,避免鼠鼠以為咬籠就可以有野食同出唻

倉鼠屬於齧齒目動物,牙齒入面既齒髓腔唔識得去閂埋,所以牙齒會不斷生長既,如果唔磨牙,就會令牙齒過長,太長會令鼠鼠食唔到野,合唔埋口,甚至插穿鼠鼠既口,咁係會死既,所以鼠鼠係好鍾意咬野
你可以買d磨牙石俾鼠鼠磨牙,如果你隻鼠唔咬磨牙石,就可以買一d木制玩具俾佢咬,又或可以試下鹽磚or較硬既食物棒(一支木,外面有食物包住)俾鼠鼠咬
鼠鼠係一定一定要磨牙,用咩野俾鼠鼠磨牙都可以,但一定要夠硬,夠衛生,夠安全,唔會甩色,唔會有色素(好似黃色香蕉味之類)即係唔會整傷鼠鼠,唔會好尖,又唔會係膠,所以木制 同專俾鼠鼠用既磨牙用品係最好既
可以試下買幾樣野間住俾鼠鼠,等鼠鼠常有新鮮感,咁都易d會咬,不過好多時有磨牙石都會有咬籠問題,但有野磨多個選擇都會好d,對鼠鼠都會好d呢

同時可以試下教鼠鼠唔好咬籠,方法如下:
1.首先要同隻鼠鼠熟既先,唔熟好難教得識,而且易嚇親鼠鼠,會有反效果,在鼠鼠受驚時教,亦一樣會令問題惡化,同鼠鼠熟既方法可參考A3
2.我習慣見到鼠鼠咬籠既時候就會叫佢,用d好似鬧佢既語氣叫佢,多數佢會停一停,之後又咬過,咁就再鬧,佢一唔咬既時候,我就俾野佢食,慢慢佢會明白,唔咬就有野食.我試過好多次都會學得識,當然可能係要試好多好多次