衰1公斤k仔......

根據上訴庭在2008年6月6日SJ v 許守城 (CAAR7/2006) 一案的最新判刑指引, 販運或藏有可供販運 600-1000克 K仔判監12-14年, 1000克 (1公斤) 以上判監14年以上.
你無講 1公斤係粉末重量定純度. 如果係 1公斤係粉末, K仔純度大約60%, 即係1000克粉末大約含有600克k仔. 佢會被判監12年. 如果係 1公斤純度, 佢會被判監14年.
以上判刑係各級法院都要遵守, 法官無得自行更改. 所以有無同類案底唔重要, 求情都無用. 唯一減刑因素係認罪. 認罪可減 1/3.
你無講佢有幾多5仔同糖, 亦無話係分開日子搜到定一齊搜到. 如果係一齊搜到, 份量唔多, 會同期執行. 大冚細, 即係判14年.
如果係分開日子搜到, 份量又多, 會分期或部份分期.