✔ 最佳答案
我自己就寧願教大人多過小朋友,
始終大人係想學先來, 會專心聽, 而且理解力遠比小朋友高
琴行單對單, 唔會有人睇你幾大嘅,
即使隔離聽到, 都分唔清係邊個琴室彈出來
小朋友亦未夠高去睇下琴室內係你
所以單對單根本無問題
想學下先係一個聰明做法
其實你去琴行搵, 講下你情況, 講下你期望, 就會搵教琴嘅畀你
只係搵出來嘅未必會配合你期望 , 因為佢地通常想你學落去, 而且係得閒嘅先會介紹畀你
價錢睇乜老師同點學法喇
好勁嗰 d, $400-1000一個鐘都有, 不過嗰 d通常係考8級以上文憑先會搵呢 d 師傅,
group 上堂可以好平, 福利團體嗰 d $80 一個月都聽過.
琴行單對單一般 $400 -700 四堂(一個月), 每堂 30分鐘左右
而我就未必四堂一個月咁收錢,
之前我教位大學同學, 因佢算成年人, 又都係想學下玩下, 所以可以以 研討方式去教佢.
每次 2-3 個鐘, 一個月 1-2 次就夠.
好處係, 琴行一般一堂 只有 30分鐘, 乜都無做過就完左, 而我一次過 2-3個鐘, 可以去講解, 討論, 講埋相關嘢, 同埋聽埋佢練成點.
彈琴真係有時間練先得, 以一個成年人計, 如有工作在身, 強迫佢每星期交功課都無用.
所以一個月1-2次, 每次 2-3個鐘, 反而好.
不過缺點係價錢上要有默契先得 .
我知坊間都有人好似我咁做, 尤其教一d 熟嘅成年人, 唔須要向其家長交待.
所以價錢上, 真係要自己搵下, 傾下, 先得
至於租琴室問題,
普通直身琴琴室, 大約 $20 半小時左右
而工角琴琴室 (考試用), 則 $120 半小時