現在如果以色列和德國打，誰勝？

100兄，要以軍同咩年代既德國打﹖就當以色列同納粹德國打。不過咁樣好難比較，因為以色列國力從六日戰爭後升至頂峰，1960至70年代既以國無論既裝備絕非德軍落後廿幾年既裝備可比。不過就算真打，我肯定德軍贏。原因無他，雖然以軍係百戰精銳，但面對質量有過之而無不及既納粹德軍，德軍佔有絕對既數量優勢。納粹德軍有樣野非常厲害，就係精銳部隊唔單止質精，連量亦夠多，只係面對美蘇呢兩個變態巨人先至比下去，但面對中小型國家，德軍出一兩個裝甲軍團都可以令佢地亡國。
以國陸軍規模從來不過百萬，精銳裝甲部隊最多廿萬人，2,000架坦克，但德軍精銳之師何止百萬﹖另外計坦克質量，六、七十年代既百夫長、M-60等自然勁過德軍既坦克N倍，但如果集中數量多以軍坦克N倍既四、五(豹式)、六(虎一)、七(虎王)號戰車及突擊炮，咁以軍裝甲部隊應該無得打，因為德軍坦克兵唔係敍利亞嗰啲廢柴，如果德軍佔數量優勢，要打贏以色列呢啲中型國家應該無咩問題。

2009-09-30 20:05:20 補充：
樓下既仁兄，你講既“德國”既咩時候既德國﹖照你比既數據應該係指現代德國。但係以軍坦克質素低劣﹖！究竟你知唔知依家同以前以軍用緊咩坦克﹖以軍由立國到依家既坦克全部都係世界頂尖！無論百夫長、M60及梅卡瓦一至四型系列都係世界最優良既坦克。

2009-09-30 20:09:10 補充：
以軍現役既梅卡瓦四型坦克重量超過60噸，裝甲全世界最厚，而指揮系統係天下最先進既獵 - 殲模式，當今世上只有日本既90式坦克可以同佢比。另外梅卡瓦支炮同樣係威力巨大既120滑鏜炮，唔會差過豹2嗰支好多。仲有，以軍60年來坦克戰百戰百勝，你信唔信基於呢啲經驗設計出來既坦克及駕駛佢地既坦克兵係廢物﹖

2009-09-30 20:13:08 補充：
如果連梅卡瓦坦克或以軍既戰績都未聽過，咁就起碼都要去維基補下習

梅卡瓦坦克﹕

http://en.wikipedia.org/wiki/Merkava

六日戰爭﹕

http://en.wikipedia.org/wiki/1967_Arab-Israeli_War

贖罪日戰爭﹕

http://en.wikipedia.org/wiki/1973_Arab-Israeli_War

2009-10-03 09:10:59 補充：
回laip兄，你所講嗰次“阿拉伯試過一次用反坦克武器打贏了以色列的裝甲部隊”係指1973年贖罪日戰爭開始時，埃及軍用蘇聯提供最新既“火泥箱”反坦克導彈打到以軍裝甲部隊一仆一碌。不過小弟極端唔同意以軍係呢場仗係被打敗。因為雖然埃軍係戰爭開始時係能夠突破以軍係西奈半島既巴甫夫防線，但埃及攻入西奈後立刻被由沙隆領軍既以軍逆襲，到最後超過十萬埃軍被圍並要正式投降。

2009-10-03 09:14:43 補充：
好多寫呢段歷史既人都極端卑鄙，明明阿拉伯聯軍最後係徹底慘敗，但佢地為左滿足自己反美反以色列既目的，於是故意忽略十萬埃軍係戰爭後期被圍殲既事實，於是令大家有個錯覺以為以軍打敗仗。實情係以軍不但圍殲埃軍，連配合埃軍南下既敍利亞軍隊都被徹底擊潰，贖罪日戰爭以色列係徹底大贏家。

2009-10-03 09:22:25 補充：
以色列贏得有幾徹底﹖佢唔單止佔領左西奈半島及戈蘭高地，而且埃及與敍利亞從此無再向以色列發動大規模戰爭，一向主戰既埃及總統納塞爾(Nassar)被暗殺，取而代之既沙達特(Sadat)立刻與以色列議和，而以色列為左示好亦將西奈交還給埃及。後來以色列只與敍利亞爆發規模較小既“準戰爭”(如1982年以軍攻擊貝卡山谷)，以色列同埃及係呢36年來就完全無打過仗。

同意 steventtw20 兄所說的大部份, 但有兩點想補充一下:

1. 以色列建國之初用的只是二次大戰留下的舊車改良, 不能算是 "世界頂尖"... 之不過他們依然打贏當時在質量及數量也佔優的阿拉伯軍 (忘了是哪一場仗...), 猶太人實在勁 . 也確立了他們日後改良舊軍備工業的基礎.

2. 我有印象阿拉伯試過一次用反坦克武器打贏了以色列的裝甲部隊, 因此也不是 "百戰百勝". 也因為這一次戰役, 以後各國的裝甲部隊一定有步兵 (坐步兵戰鬥車) 協同作戰, 不再有單純坦克的編制. 不過不好意思我又舉不出參考資料...

當然是德國勝,主要有幾個因素:
1/.德國的生產總值是世界排名第4,國內儲備多的是,如果同以色列打持久戰,起碼可打10年(那時以色列早就挎了)
2/.德國是傳統陸軍大國,單是坦克的數目已經有1500,而以色列雖有3650,但質素極為低下
3/.德國亦有250000大軍,而以色列只有187000人
結合這些因素,以色列根本不是德國的對手,所以以色列和德國打的話,德國一定會勝出

當然是德國勝了,雙方武器方面是差不多。而德國人口有八千萬,以色列是二百多萬。在外交方面德國亦佔優勢,我國的【孫子兵法】有云:「其上伐交(外交)」;德國與以色烈在外交上同樣受美國重視;但德國在歐洲目前沒有死敵,但以色列是阿拉伯人的死敵,因此有兩面受敵的後顧之憂。另外,德國是歐盟的成員,較易取得歐洲國家的支持,尤其是前戰爭盟友意大利。
(任何戰爭都會有其他國家介入的)

2009-10-04 06:46:18 補充：
【孫子兵法」有英文版本,早巳成為美國訓練軍隊的教材