20點 !急!升學問題,,關於犯罪心理學

1.犯罪心理學係咪即係屬於心理系?
故名思義，係。

我報大學時,要填志願表,係填心理系,定亦或要填寫 犯罪心理學?
係學校有乜系填乜系，

犯罪心理系好少可自己係一科，通常都係同心理學合一。

2澳門邊間大學有得讀犯罪心理學?
澳門冇犯罪心理學去讀，可看
http://www.gaes.gov.mo/big5/contentframe.asp?content=./mc_edu_info_main.html
按「澳門高等教育課程資料庫」再自己查

3.廣東有邊間大學有呢科讀?
我唔知，但係你可以打呢個電話
升學輔導專線：(853) 8396 9335 / 8396 9320 / 8396 9323
預約面談專線：(853) 8396 9368
呢個係高教辦，佢乜都答到你

因為我只係想讀犯罪心理學,我對其它的心理學科無咩興趣
我都成日睇心理學（即係大學教心理學系既教科書）我都覺得相比其它心理學，犯罪心理學是比較有趣。但係，真係光是讀呢科，出路真係冇。最好配合法律學科一起讀，或配合精神學科一起讀。起碼司法部會請你

同你講，哲學或心理學係好抽象既嘢，因為佢只係發展咗幾十年，同醫學呢D發展咗幾百年既科根本冇得比。當你真係讀，你做功課做到你死。因為醫學可以揾志願者做實驗，通常臨床幾個月有結果，但心理係即使揾到志願者做實驗，每個人既背景、種族，情緒，智商都有差別。實驗要成幾年都冇結果。

即係解，你畢業論文，你想寫「病態賭徒犯罪心理」可以講係有排你寫，冇資料，你又接觸唔到囚犯做訪問。接觸到，每個人又唔同。係無論你寫得幾俾心機，份論文都係唔會高分。

中學同大學唔同，中學既理論全部都好肯定既。力學係力學，進化論係進化論。但係大學既理論係好浮，你會見到A學者話賭場工作者犯罪機率大，之後B學者又話唔會。之後C學者又可能會。你到時你就明我講乜。

但係個個都答我:你想做心理醫生啊？
好多人以為讀咗心理會做心理醫生，應該咁講，好多人志願係心理醫生，以為讀咗心理會做正行。其實唔係，心理學好難揾工，好多時係會做社工。人工還比普通教師更低。

問題問得好。
001 答得好好，好清楚、好詳盡、好正確！