點樣先唔好咁執著?

你所講的執著是不是你的性格係唔衰得,好多時都會堅持己見呢?
可能你覺得承認錯誤係好無面,明知自己工作做得唔對都死不認錯,咁當然會時時被人責罵啦!
其實你都知道自己咁性格係唔好先想改善啦,咁就要想清楚做人點先萛係真正有面子咯!
你有無聽過呢句俗話說:面係要人地俾,架就係自己搵來丟!
如果工作做得好,自然大家都對你讚賞,咁就係有面子啦,如果自己工作做錯,就承認錯誤下次改進啦,人人都可能有錯,所以都唔係沒面子喎!
但如果你執著死唔承認的話,只有一直錯落去,被人發現一定責罵到飛起,人人都知道你做錯,是否更加無面,更丟架呢?
所以做人隨和d,就算自己有無錯都聽多d人地意見,唔好人地一出聲就要死撐,咁然後自己先有進步學到野,又少d同人無謂的爭辯了!

2009-09-29 17:31:26 補充：
出來做野要對同事親切友善d,有唔明白要禮貌d向人請教,就唔容易做錯了!
如果人地教你都唔想聽,人地又點再理你,咁都係自己損失機會!

2009-10-04 14:34:43 補充：
你問點先叫做隨和? 咁就即係唔好樣樣都咁執著啦!
等我講過最簡單的例子:
有時成班朋友一起去飲茶,通常都會叫各式各樣點心,但執著的人就一定堅持要點合自己口味的才滿意,隨和的人就不會堅持己見,不合口味就吃少點吧,最重要不可影響朋友相聚歡樂的氣氛!

2009-10-04 15:24:49 補充：
其實世間事不是絕對的,執著的人認為事情非黑即白,每每為了別人或者自己的小小錯失而爭辯,因此無法下而傷了感情又何必呢?
隨和就是懂得體諒包容別人,懂得為對方設想,如果掉轉人地咁對自己又會點呢?
所以唔會為了別人或者自己無傷大雅的小小錯失而爭辯,人際關係當然會好一點吧!

2009-10-04 15:31:54 補充：
有時不一定是錯失,只是不同自己的意見都要經過一番爭辯的話,就不萛是隨和了!

固執唔一定係唔好既, 最好係擇善固執, 對自己定下目標就勇往直前, 面對困難都要堅持下去。

你提到工作上比人罵, 要多加留意對方罵的內容, 係無理取罵, 還是係想提點你呢? 比人罵唔一定係壞事, 冇人話你, 冇人提點你, 唔一定係好事, 有些人見你有問題在當中, 都不發一言, 可能想睇住你死, 今就仲衰啦!

不過人人都唔想比人罵, 在工作上有時在所難免, 有誰在工作上冇比人罵過呢? 多多少少都會有, 最重要唔好再從犯同一樣錯失就可以啦。

其實你平常心一點, 待人處事對得住人對得住自己, 做到最好, 做到問心無愧, 就得啦! 一天的時間過得很快 , 可以的話, 每一天對自己及別人多加微笑, 心情轉好, 人都隨和一點, 世界今大, 我們所知的很少, 謙卑學習每一事一物, 更令你看見另一篇景象, 到那時時候你又會再更好啦!

你執著在那些方面呢 ? 在工作上不同意對方的意見, 因而對方駡你, 若是的話, 若對方的意見都是可行的, 試一下吧, 或許出來效果不錯. 其實聽多些不同意見是好的, 有時取一下中間位, 工作起來便開心多些.

我想知有人會鍾意返工俾人罵既咩"??吾想比人罵係好正常咖喎....呢樣野係同執著無關的....^__^

執著____通常係指個人主觀性強.....我諗多少與DNA有關﹐
唯有係做人凡事唔好太鑽牛角尖囉！
當你年紀少不更事的時候﹐遇事總係會堅持到抵﹐當你年紀
大﹐經歷多﹐還親歷生生死死﹐人自自然然會變俄圓滑﹐不
作強求了......