呢個問題煩左我五年..汗臭

呢個問題煩左我五年,,
由我五年級開始
五年級我就發育
跟住有汗臭問題(夏天最為嚴重)
平時我係行路返學校,會出少少汗
出左少少汗我都聞唔到有咩味
跟住到每朝既集隊,我會出好多汗
d味就出晒黎
到左下午,因為出汗多左,d味仲勁
有一次我地班上禮堂,有個女同學係我身邊行過,跟住話好臭呀..
我好自卑,即刻忍住唔喊..
仲有好多次既經歷都係因為我d汗臭先發生..
好似俾人話死臭人,,,女仔唔敢埋我身,,係班到俾人望住晒咁,,
呢d都令到我好想喊,,不過我係男仔所以要忍..

有冇識解決呢個問題既人幫下我呀..我唔想日日都咁自卑..

我用過好多唔同既止汁劑,不過都好似冇乜用..搽得多又會太香攻鼻,搽得唔多又會臭,,用冇味既d汗臭一樣出黎..

我又聽過有人話中醫可以醫到呢個問題,,請問係咪真的?同埋有d人都係有汗臭問題但係佢唔知用咩方法解決左

咩方法都好,,講晒出黎俾我試下...萬分感激(除左做手術..)

同埋我仲有個問題希望各位可以幫手解決
1.著底衫,係咪會臭d?因為我平時出街著d t-shirt 出左好多汗但都唔覺有味(口口0呂好叫我唔著底衫,,因為一出汗件衫就會透晒)

2.防臭貼有用嗎?

3.係咪有d防臭底衫賣?但係d人又話洗幾次就冇用,同埋,呢d底衫真的可以防臭嗎?

4.有冇d中醫藥藥方有用..因為我聽過d人話有中藥藥方可以解決呢個問題