點解D港女咁黑人憎??身為香港女性的我也不禁自卑

等小弟以男性既角度講幾句。我首先要聲明，我唔相信香港所有女性都係好似近排youtube嗰位趙小姐咁樣令人鄙視既“港女”，我相信有好多香港既女性仍有女性獨有既溫柔、文靜、細心等美德，而我身邊亦有唔少呢啲女性朋友。但不幸既係，我亦見唔少所謂既“港女”，佢地既言行舉止實在令小弟太失望。
本來一樣米養百樣人，人人有唔同性格係正常，我地應該接受唔同既人。但“港女”有幾樣野令人非常之唔舒服，恕小弟無辦法同佢地相處。最令小弟覺得煩厭既係“港女”係病態既極端自我中心，佢地完全目中無人，無論佢地才貌如何，總之整個世界都要繞著佢地轉。如果你同佢地傾計，要預左佢地會將自己所有芝麻緑豆小事講足5個鐘唔停，但呢5個鐘之內你唔好預期佢會問同你有關既任何野，而且你絕對唔可以表達任何不滿或不耐煩，因為呢個係“港女”們立刻反臉不認人既藉口，咁樣既人，點同佢地相處﹖
“港女”另一個問題係佢地既內心世界係極度既膚淺、封閉、幼稚及不講理。雖然前人教落，女人唔講理係天理，但以前既女人唔講道理係一回事，而佢地有另外一啲令人迷戀既優點又係另一回事。可能你老豆都會怨你媽咪唔講道理，但佢亦可能成日讚你媽咪廚藝了得、持家有道、對老公子女溫柔體貼，但呢啲優點你絕對唔會係“港女”身上搵到。“港女”有一個好恐怖既特質，就係佢地人格上完全無優點，你同佢地相處只有失望同憤怒。
“港女”既封閉及幼稚亦令人感到好悲哀。我聽過有朋友話佢同某位典型“港女”去泰國旅行，本來我個friend唸住係曼谷行下行，跟住去布吉游水放鬆下。點知佢同行嗰位女性朋友呼天搶地話一定唔會去布吉，話嗰度好落後，好多烏蠅！我嗰friend就梗係比佢激到反白眼。佢都有同條女解釋，布吉係世界著名既度假勝地，去過既人起碼過億，旅遊設施一流，而且佢地兩個都未去過布吉，去見識下都好。結果當然係條女繼續做獨裁者，我個friend就係咁比呢條女押解住係曼谷連續行左5日冷氣商場，仲要連冬蔭功都無食過。
我另一個friend又係同某“港女”去浮羅交怡旅行。行程包括坐船出海睇珊瑚礁。去過呢啲trip既朋友都知睇珊瑚礁通常都要落水浮潛，我個friend當然想去玩，點知呢條“港女”同上面講嗰個一樣，要生要死咁話唔去！而且條女仲一定要我個friend陪佢！我個friend都算天下第一大好人，竟然真係陪條女一齊唔落水。本來咁都唔緊要，後來我個friend聽導遊指示，係個浮台上坐係邊緣上放隻腳落水同啲魚現下，點知條女竟然咁都係個浮台上依嘩鬼叫，仲要連拖帶叫咁係都要扯我個friend番上船。但有所謂好戲在後頭，後尾佢地坐船回岸時，隻船因為小風浪左搖右擺得較厲害，點知條女又係扯住我個friend隻手大叫，仲要係咁問我個friend“我地會唔會死﹖”。最頂癮既係我呢個friend本身都係女仔，而去浮羅交怡係條“港女”堅持下要去既，真係無野好講。
小弟都有類似既經歷，都係同旅行有關。我曾經同一班朋友去旅行，同行有一個唔係幾熟既“港女”，極喜歡扮攝影專家，但事實上又完全唔識影相，而小弟都唔識影相。呢位“港女”朋友鐘意對行程中每一張相作10分鐘既全方位檢驗，而檢驗既結果當然係張張都唔合格，而所有負責影相既人都比佢省到立立靚。本來大家都忍佢，後來我終於忍唔到，我拒絕幫佢影相，所有有佢出現既相片我都絕對唔渣機。而我亦唔搵佢幫我影相，我叫唔識既途人幫我影，佢地反而影得唔錯。呢啲咁既人，我同佢之後當然無計傾。
“港女”們活係一個絕對封閉既世界，而呢個世界係完全被消費主義統治，係眾多“港女”既世界入面只有冷氣商場及買不完既消費產品，佢地無論去到南極或海底都只想購物。另外佢地既生活經驗及想像幾近於零，所以佢地會有人認為係人都去過既布吉落後，遊客區接載遊人無數既小輪會反艇。但佢地又會一時發癲唸埋晒啲古怪同真正危險既野，例如幾年前就有個“港女”黑非洲最落後野蠻既剛果民主共和國旅行(Democratic Republic of Congo﹐即係前扎伊爾(Zaire)，係全世界最落後，最恐怖危險既人間地獄)，而且仲要係東部入境去行活火山！Lonely Planet係佢既網頁入面三令五申叫人一定唔可以去呢個國家，就算去都唔好由東面入境。條“港女”終於跌落火山死左，咁當然係可惜，但我覺得佢自己要為呢宗慘劇負責，世界咁大，但咁多地方唔去，係都要以身犯險，你話可以怨邊個﹖
“港女”既出現，唔係一朝一夕既事，係香港長年膚淺又拜金既主流文化之產物。希望各位港人，唔剩止係女士，都多啲體驗見識消費主義以外既文化及經歷，重建大家既理智及各種美德，只有咁樣香港先至有前途。

Steven兄萬歲!
如果個個港女都好似Steven兄有把公正的尺去量度的話
香港會Rise up!

2009-09-28 11:59:17 補充：
樓主,Steven兄可以話係接受異見同埋最中肯的專業人士
佢都踩到港女一文不值
你可想出港女係幾恐怖
仲恐怖過伊斯蘭極端份子呀

嘩!!!!!!!!
好有共鳴!!!!!!!!!!!!
尤其D自以為是DDDD靚女.

(明報) (2007年)07月 07日 星期六 01:20PM
香港一名女遊客，在非洲剛果民主共和國火山區遊覽時，失足跌落一百米下的火山口，目前生死未卜。

事發後當地的聯合國 人員以直升機在發生意外的尼拉貢戈火山口上空盤旋，但由於能見度底，火山口又深，未有發現她的蹤跡，最壞的情況是她已跌落千二米下的溶岩之中。

搜索在入黑後由於視野不佳而暫停，當局會在當地時間周六早上才恢復。

外電報道，這名香港女子是參加當地一個旅行團到火山區遊覽，在事發之初，有人曾見過女子躺在一百米下的火山口，並有郁動，相信當時她仍生存。

尼拉貢戈火山過去亦曾發生過有人跌落火山口的意外。

2009-09-27 14:33:04 補充：
(明報)(2007年) 07月 10日 星期二 05:05AM
【明報專訊】本港女子鄭兆茵在非洲剛果民主共和國獨自旅遊時跌入火山口死亡，聯合國搜救人員已從200米深的火山口內吊起其遺體，並運送至附近戈馬市一間醫院冷藏，以候處理。據友人透露，鄭兆茵於兩年前離開香港，其間一直從未返港，料她一心到世界各地遊歷。

有同感..
港女黑人憎係我諗係因為太過自戀
D港女以為自己係靚女就成日係度串人.話人咁等等既行為
所以搞到自己咁乞人憎
佢地簡直影衰哂香港
身為女仔既我同你一樣感到自卑