法律問題: 借了大耳窿

你所講嘅大耳窿一定唔係攞正牌嘅放債人，因為《放債人條例》第24條規定任何貸款嘅最高實際利率係年息60%。你親戚借咗五萬，一星期最高都係要畀$576息，而家佢要三萬蚊息喎，唔係大耳窿就奇啦！你可以去金鐘道政府合署放債人註冊處查放債人登記冊，如果佢地係領正牌嘅，你可以去警務處投訴佢，當造福下其他人都好吖。
問大耳窿借咗錢唔還，佢地會淋紅油、喺牆度寫大字、鎖匙窿度倒膠水、燒著報紙掟入你屋．．．你應該都喺報紙度睇過佢地ｄ技倆啦。你個親戚又真係借咗錢，點都要還啦。不如講下數，叫佢講個實數，唔好利疊利上，畀個限期你地籌錢，唔係逼死人，盞大家冇著數咁囉。
其實報警理論上係最好嘅，不過你在明佢在暗，就算拉咗個大耳窿，佢之後會點對你都好難講囉。破產係對ｄ正當人家有用啫，大耳窿話知你破唔破產吖！
總之你個親戚自己樁個頭埋去，畀人劏都冇得講啦。你個親戚如果唔戒賭，仲陸續有嚟架，我見幾多人輸到家不成家，有人連命都冇埋。如果佢下次仲係咁，你由得佢死都唔好理佢喇，唔係連你都唔得掂呀！

I like the response by fungchuihing which is a great one.

一於報警啦....
一係就趁少錢要還就還晒佢!
法律有講明借款超過x%(不知道啦>_<)既利息就算犯法!
但不要以此要脅大耳窿,
佢地d手法好極端架.......
儘快打電話,
最好就直接去警局,
性命要緊呀!
叫你個親友冷靜d呀!
記得不要打草驚蛇呀!

2009-09-30 22:56:43 補充：
儘量拖延還款期啦,
其實佢地反正有大把息收,
一日兩日佢地都唔care既,
儘量扮可憐求佢啦.

做得大耳窿一定唔怕你報警，佢地有好多合法又可怕的方法要你還錢，就算你破產一樣要你還，
除非他們收唔到錢做出一些非法行為，例如淋油，放火，捉你家人，到時你報警就會受理！
現在你只有兩條路，一係失蹤，一係還錢！
以前聽人講有個債仔咁樣同大耳窿講：錢就無！命就有一條！
大家估下結果會係點？