鐘意左個好憎我女仔 20分

加油！去追人地喇！其實D女仔都係口是心非架！好似我咁(我係女仔)，係學校,我表面上好似好憎一個男仔,但茶實我係好鐘意佢架！#^^#

小弟在此比d意見..
果個fd話應該係你煩得濟..
咁我地宜家假設佢每次見到你之後既感覺就係"煩"
咁你可以想像一下,如果你覺得一個人煩,無論佢講咩都好,你會唔會留心去聽???或者會唔會去在意???
其實到左呢個地步我會勸你都係放棄啦,再係咁落去只會令你自己唔開心,不過,如果你唔想放棄,小弟仲有d方法比你試下,但係要有某d條件先得
1.要比佢留意到你,例如同班,同課外活動果d
2.你要有決心,耐心
看住嚕~
方法:你要暫時唔好去煩佢,間中表現一下自己(唔可以過份表現,如果唔係會有反效果)例如可以上堂果陣答下問題。仲要做既野就係要改下自己d壞習慣之類~(呢句既意思係你要了解佢唔中意d咩,例如講粗口之類)
仲有平時多d幫下人~可以響個女仔需要幫忙果陣幫佢一把~
完成上面既野之後,"間中"同佢傾下計,測試下佢對你既態度
拿!注意!真係間中,如果唔係佢又覺得你煩架喇
雖然呢個方法係長時間左d,但係我諗你唔會介意為一個心愛既人付出時間
最需要注意既一點係:你愛既人係佢,就算佢最後都唔中意你,你都要大方地接受,默默咁祝福佢,因為愛一個人,係令佢幸福,而唔係為左得到佢
PS:打得好辛苦= =100%原創,謝絕抄襲

2009-09-27 00:10:54 補充：
如果你仲想問我多d野,可以加小弟個專解答人問題既msn:[email protected]

上面果個係零~唔係O~唔好搞錯~~~~

煩其實真係好難改...
但係煩都有好多種
你試下多d關心佢
但係問and同佢講既野盡量唔好重複
你行錯左第一步唔緊要...
你仲有好多機會架
你要慢慢步入佢既生活
最好既途徑莫過於msn
每晚既msn不但可以令到你地有野講
仲可以令你了解佢更多
你了解佢多左
自然犯錯既機會都會低~
男仔唔好輕易放棄

以上資訊由我提供~!

你唔洗諗啦 你真係行錯左第1步啦
你鐘意左人地兩年 而且佢都知你鐘意佢
咁代表你成日將鍾意兩個字掛係咀邊
咁樣人地仲唔覺得煩
現家第一步係了解佢多D
可以從多個途徑拎佢資料(佢鐘意D咩...都係果D啦 唔洗我教丫?) 但係就一定唔可以比佢知 你搜集緊佢D資料
因為咁樣只會令佢覺得你仲煩
之後就令佢知道你既存在(唔好直接話佢知:我係到丫!!←如果你做埋呢D白痴野既話 我都幫你唔到)
但係唔可以煩到佢 姐係唔好佢講一句野 成日同佢D FD玩 等佢身邊既人講既主題都係關於你
咁樣就可以潛移默化地將佢生活圈子都係關於你
我冇時間 打住咁多先...
P.S 呢個方法唔係三兩個禮拜就見效 一定要好長既時間 你兩年都等到 等多半年都冇問題架啦 如果你係冇耐性既話 咁你呢一世都注定做一條媾唔到女既可憐蟲
有野就留MSN 我會ADD你架

首先,要搞清楚佢憎你既原因

再去改正 ><


你可以成班人出去玩的時候,

對佢好d ( e.g. 幫佢攞野),

令你喺佢心中既形像改善^^

之後要同佢做朋友, 俾佢了解你多d,

睇清楚其實你係個好男仔!


再揾個機會同佢表白, 記住要有誠意呀!



祝君好運=]

希望幫到你,
如果覺得我既意見有用既話,
可以add我msn : [email protected]
我都幫過唔少人^^

如果吾知係咩原因,,你可以試下直接問下佢/問下佢身邊d fd咁
如果係知既,,亦係你自己既問題,,咁你應該要改改佢
比佢睇到你為佢既改變囉!!

首自你要知佢因咩o甘憎你
如果唔係...無得搞