我女友同我分手了,我同佢一齊有12年了.我依家好心痛

大家好.
我同係埋一齊12年既女友岩岩分手,係佢提出分手.我依家心情好沈重,好痛.我依家唔知點好,因為佢同我分手係因為對我冇了信心,對我有太多既猜疑,令到佢好累,佢覺得唔應該再咁,先忍痛提出分手.佢想自己開心d.因為佢話已經比了好多次機會我,係我自己唔識去珍惜.之前我同佢都分過一次手,之後又再係返埋一齊.同埋今次佢同我分手既原因係我同佢講話想同佢結婚,佢話唔想......之後就爆了出黎.....同我講我唔係佢心目中可以同佢到老既人,因為佢對我冇了信心,有太多猜疑....佢唔想成世都係咁.所以今次佢話要面對了,佢先忍痛提出分手.到依家我反醒了自己,我發覺自己一直都唔了解佢,我忽略了佢既感受.同埋我發現自己係好自私,太保護自己.所以先令佢咁傷心....佢都同我講,對上一次同我分手, (係我鐘意咗一個女仔,比佢知道,佢先同我分開.) 已經對我既愛心淡了,冇以前咁鐘意我.其實我都明...同埋佢都話,比了好多次機會我,你都唔珍惜. 但我反醒唔到自己個人既問題,先攪到今日咁既地步. 但我依家仲好愛佢,我真係好想挽救返我同佢之間既感情,因為我經過今次,我清楚了自己既問題係邊,我係好有信心可以做到改到. 我都有同佢講,但係佢唔信. 而我都明白講都冇用,要做先得,我依家都係想用時間去證明比佢知我真係有信心改好自己既問題.

但係佢身邊有好多朋友都同我講佢都唔想再諗,我唔知佢地咩意思. 但係有d朋友問佢,係唔係唔再比我機會,佢話係.

但我真係唔想放棄佢,我真係好愛佢,因為我真係知錯,知道自己錯係邊,知道自己點去改好佢.但係佢唔信....

我唔知大家明唔明我講咩.但我好想知我有冇機會去同返佢一齊呢???同埋有咩方法可以令佢對我有返信心???我真係好想對佢重建返信心...
唔知有冇人幫到我呢.我依家成個人就快崩潰了.......help