熊仔鼠意外懷孕??

A.買女鼠其中一個問題就係可能會買到已懷孕既鼠,但只係見到熊仔鼠既乳頭,並未可以確定係咪真係懷孕,熊仔鼠既乳頭有d會係較明顯,呢個情況其他品種就較少出現我之前買左隻鼠係已懷孕,反而唔多覺有呢個情況,到佢生左b之後,鼠b 10日大已經開始keep住會見到乳頭

倉鼠懷孕係好難用肉眼去睇到,因為懷孕期短,熊仔鼠大約15-16天,而且倉鼠係會出現假懷孕既,連獸醫都有機會會驗錯,懷孕既特徵有以下幾點,但的確唔易肯定:
1)鼠媽媽個肚會忽然大左少少,但食得太多野都會肥
2)心情煩躁,但新鼠or受驚既鼠都會咁,所以難分
3)書本都會話鼠鼠懷孕會築巢,但好難話見到鼠鼠築巢就當佢懷孕,因為鼠鼠本身就有築巢既習慣,好多鼠鼠平日都會整一個窩,收埋食物,除非墊材唔適合or有問題,又或太熱啦(我鼠鼠十分熱既時候都一樣會築巢)

如果你懷疑佢懷孕,就要留意以下幾點:
1)唔好接近個籠,唔好掂鼠媽媽同bb,盡量等到鼠bb戒奶後先洗籠(大約21日戒奶)
2)用奶粉沖d奶代替水俾鼠媽媽飲,記得唔好俾鮮奶,唔係會令鼠鼠肚唔舒服既
3)生之前放定好大量既食物入去,之後換食物換奶都要小心唔好俾鼠媽媽發現,到鼠bb識行之後,食物就要整碎d,唔係bb食唔到/食左落去吞唔到就大件事.
4)唔可以將鼠bb同媽媽分開,唔係bb就冇野食,生存唔到.我細個既時候,有人教我用手餵bb飲奶,但咁係唔可行既.

食自己鼠bb有幾個原因:
1)如果鼠媽媽覺得bb有危險-媽媽會食左bb/收埋bb入腮,令鼠bb缺氧,都會食bb
2)鼠媽媽覺得bb養唔大-鼠bb身體弱 or 自己冇足夠既奶分俾佢地
3)鼠媽媽覺得bb有第d動物氣味
4)鼠媽媽情緒太緊張-有第隻鼠在場,有外來環境令佢緊張,有人打擾佢,甚至只係因為生育而情緒緊張
5)鼠bb死左

B.熊仔鼠其實係好細膽好純,只要懂得處理,唔好太急去接觸鼠鼠,其實唔係好易被咬,我偏愛熊仔鼠,養過好多隻,都從未被咬
首先要解決自己驚被咬既諗法先,驚既話再接觸鼠鼠既時候,就好易隻手會縮下縮下,咁會令鼠鼠受驚,咁就更易咬人
自己唔驚之後,都唔係咁快可以接觸鼠鼠,要慢慢同鼠鼠建議關係先,鼠鼠好細膽,好易受驚,驚除左會咬人,仲易會因壓力而生病

新買鼠之後應該要俾佢靜兩日,而家可以檢查左鼠鼠身體及排泄物,確定冇問題及唔係懷孕之後,俾佢靜兩日,再試呢個方法慢慢同鼠鼠建立關係,以下既步驟唔係幾日內就做到晒既事,唔好太心急,唔係反而對鼠鼠唔好:(耐左都同鼠鼠唔熟,都可以試下做)
1)你可以隔住個籠叫多d佢,在籠邊拎d野食引佢埋唻(主要係想有食物袋既聲音俾佢聽到),隔住個籠俾野食唔會咬到你,唔洗擔心;唔一定要拎零食引佢,拎主糧入面既野食都ok架啦,唔食零食會健康d.日日叫佢都有野食既話,佢好快就會記得你把聲or裝食物既袋既聲音,我覺得鼠鼠認食物袋既聲比較快
2)叫鼠鼠既名時,最好用疊字,會令鼠鼠更易記得,平日對鼠鼠既指令,例如叫鼠鼠食野之類,都最好用疊字或簡單聲音,鼠鼠係聽唔明你講野既內容,只係會記聲
3)等到你地熟d,做到你一行過佢就行埋唻or冇咁驚你,之後你可以試下伸隻手入籠隻俾野佢食
4)再熟d再試下俾野佢食既摸下佢頭or身
5)佢都唔抗拒之後,可將食物放在手心,等佢行上唻食,慢慢佢會習慣左你既手
6)再熟d就可以抱佢,抱既時候唔好忽然由頭or從後抱起佢,咁會令鼠鼠以為有敵人攻擊,最好慢慢叫住佢先抱佢,如果抱唔到,可以用乾淨既杯唻俾佢上去咁樣抱

到熟左之後都咬人既話,可了解多D鼠鼠咬人既原因:
http://hk.knowledge.yahoo.com/question?qid=7009080801774 B項