我隻倉鼠突然流血!?(急!)

d血係由生殖器流出唻?男定女?有冇外傷?有幾多血?同一籠有冇第隻鼠?A.下體出血or肛門出血
如果交配時太過掙扎,會令女鼠下體受傷,咁都有機會有血,女鼠難產都會
而持續既下體or肛門出血都可能係陰道發炎,子宮腫瘤(生育過既話特別易有呢個問題),體內腫瘤or其他內出血問題,一定要睇醫生先處理到,體內問題好多都要做手術先處理得到,但要留意老左既鼠好難承受到麻醉藥既

B.尿中帶血
尿中有血,就可能係尿道炎or膀胱or腎有問題,鼠鼠排尿既時候會感到好痛,要留意鼠鼠平日排尿既時候有冇好辛苦甚至尖叫.呢d問題多數都因為亂食野,令尿變鹼性,引起感染;但都要留意會唔會俾過有紅色既食物俾鼠鼠,食過有色既食物都會排返出唻
同樣都係自己處理唔到既疾病,應該食抗生素先得,病情輕既時候,其實睇醫生係可以好快好返

C.內出血
如果有趺過鼠鼠or有野壓實過鼠鼠,易做成內傷,內傷就有機會內出血,咁既情況一定要盡快睇醫生

A-C項睇醫生同時可留意以下既事:
1)分籠,因為鼠鼠係獨居動物,好易出現打交情況,如果唔舒服仲勉強佢地一齊,會令情況更嚴重;分籠後要將所有鼠籠盡可能分開d,物品唔好共用,唔好一齊洗,掂完一隻鼠之後一定要洗乾淨手再掂第隻
2)鼠鼠呢個時候既尿or血都幾多菌,所以需要成日洗籠,最好係用for小動物既消毒藥水洗籠(亂用人既消毒藥水,會對鼠鼠有害),都可以用牙膏清洗,都好殺菌既,如果唔係,同時有機會引起皮膚病等細菌感染既問題
3)鼠鼠既用品同籠都要用小動物專用消毒劑OR牙膏洗乾淨,保持周圍既環境衛生
4)擔心鼠鼠唔舒服會凍,所以如果鼠鼠有身凍既問題,就唔好俾風直接吹到鼠鼠,要鼠鼠保持溫暖;但冇咁既情況在熱既時候,就要多加留意散熱問題,熱天要留意既事可參考:
http://hk.knowledge.yahoo.com/question?qid=7009061900335 第2點
5)要戒口,只俾鼠糧俾鼠鼠食,因為可能係亂食野引致,人既食物大多數都唔適合鼠鼠食用既
6)如果鼠鼠唔食野唔飲水,就用手直接餵,都係唔食既話,就要俾d耐性試多d,鼠鼠唔舒服,又會好累咁,係冇咩胃口既
7)鼠鼠唔舒服會更易受驚,受驚會令病情惡化,除左檢查及治療外,都唔好打擾鼠鼠
8)鼠醫生資料及睇醫生要留意既事可參考:
http://hk.knowledge.yahoo.com/question?qid=7009031901757

D.外傷
仔細檢查鼠鼠有冇外傷,有D傷口較細就冇咁易睇到,外傷處理方法可參考以下我回答既知識 :
http://hk.knowledge.yahoo.com/question?qid=7009051201792

E.下體正常出血
鼠鼠唔會有月經,但會有類似既下體出血,多數會在女鼠年紀大既時候,會有2-3次既下體出血,但血只會有數滴,所以一般係好難會見到,只要血次數及量正常,係唔需要擔心,唔會有問題既