有關通緝令一問

喺香港, 除咗欠政府錢 - 例如: 欠稅 / 唔交罰款係屬刑事罪行, 會被通輯及禁止出境外, 其他錢銀案 (包括唔俾贍養費) 都屬民事, 警方唔會介入, 欠債人係唔會被通輯嘅.
在好特别嘅情況下, 債主可以向法庭以民事訴訟形式入禀, 要求法庭發出禁制令, 禁止欠債人出境. 但因為 "禁止出境" 涉及基本法, 所以一定要係極好極好嘅理由 - 例如: 有强烈証據顯示欠債人會籍出境而作出資產轉移等行為 - 法庭先會考慮. 但通常結果都係頒令凍結欠債人戶口, 極少極少會禁止欠債人出境.
你欠前妻贍養費, 佢只能循民事訴訟入禀追討. 你係唔會被通輯嘅.
但亦要提吓你, 如果佢真係告你, 你輸硬嘅! 佢之後可以憑法庭判令以不同方法追討 - 包括: 凍結你戶口 / 封你屋 / 變賣你家當 / 迫你賣樓 / 甚至申請你破產.
___________________________________
題外話: 你 18年一個仙都唔俾, 真係經濟狀況咁差? 俾住少少都可以掩住佢把口吖...