✔ 最佳答案
樹仲有生命既時候, 會照顧自己. 係你門口, 仲幫你遮風擋雨, 大日頭可以幫你屋企降溫, 仲有效吸收二氧化碳, 帶來氧氣, 係一部唔使錢唔用電既空氣清新機. 中國農村最喜歡有風水林, 會帶來好運, 講到底, 同樹木既呢d好處不無關係.
唔建議你整死佢, 因為你將會得不贘失. 你嫌佢阻地方, 可以疏枝: 將一部分阻礙既枝幹用工具鋸走, 好似路旁大樹, 有樹木管理隊定期打理, 等樹可以係道旁遮陰, 同時不阻礙行人車輛. 疏枝要注意樹既平衡, 只鋸一邊會令樹頃斜, 打風容易倒下, 最好前後左右平均地疏枝.
萬一你就算咁大損失都要殺死樹, 唔建議你用刮樹皮方法, 因為樹死左, 冇左保護作用會被蟲蛀, 死樹有最大既倒塌危險, 唔好係自己門口自設陷阱掛!