好想知點追返佢..

我同佢星期六分左手...

星期六果日我約左佢出黎，咁我知佢好想睇戲，所以我就話同佢睇戲想哄下佢
點知…佢話晏D要補習...

我計少左呢樣...

所以要預埋睇完去補習既時間，就要決定觀塘睇定九龍灣睇...
之後我覺得觀塘應該會無咁趕...之後我叫佢黎觀塘
之後我再打電話去戲院問下仲有冇位，但就無左果段時間問...
我估多數無位...

我就叫佢去九龍灣
佢就好嬲咁話，依家到底去邊呀！

我就話觀塘可能無位，不如九龍灣啦...
佢就話，好煩呀，唔去喇，我走喇...

咁我就話去觀塘觀塘啦

結果真系無飛賣...
佢好嬲咁走,,,

我哄唔到佢...一直跟住佢系後面...
之後我想打開個冷埸就同佢講，不如去行街，順便同我去買滑鼠先呀...

佢開始無頭先咁瘂...
之後佢都肯同我傾返計...

之後，買完只滑鼠，行多一陣
佢又好累咁話：算啦，我地走喇...

之後我地就去寶琳
我本身以為佢去溫書食野...

點知佢話一早食左野
然後好急急腳咁帶我去左戲院睇下仲有冇飛賣,,,
套戲系死神來了4...
我好驚，但又好想睇...我女友就一早話好想睇

之後我地買到飛，段時間又就到佢一陣補習既時間...
之後同佢去行街，買零食...

因為我唔系好熟寶琳，因為我唔系住將軍澳果邊...
之後我地去到百佳，我以前樓下就系戲院
我就話一陣我地落去咪系戲院囉
佢都答：系呀...

咁點知落到去...原來系另外一面...
結果佢好嬲咁話：點解次次同你一齊都系咁架！
之後佢好嬲咁趕左去另一方向既戲院,,,

之後睇戲,,,
佢唔驚咁睇，但我就驚到全身凍晒...
佢仲系咁問我：系未好驚?
我唔想咁無用就話：唔驚，緊張之嘛

之後出到戲院，我仲驚緊..
佢仲問我點解咁凍...

然後...
行左陣，佢就突然問我今晚食乜好呀...【因為佢系戲院話：算啦，我今日唔補習喇，我留返下次補呀】

咁我真系唔知食乜好...就話不如清淡D，去一粥麵啦...

之後,,,
行多一陣，我女友唔知做咩發脾氣...
話：算喇！我返屋企算！

我真系唔知乜事...但見佢好嬲爆爆...
咁我跟住佢去到佢屋企果個地鐵站
但哄極佢都無用...

我見佢咁嬲，就話不如我走先...
佢就見我搭返地鐵走，唔好出閘,,,
我扮搭地鐵，之後出閘想整D驚喜比佢

但佢突然打黎...
我一聽，佢就知我唔系搭地鐵
我就系咁叫我快D走...快D入返閘...

咁我衰左...
整唔到驚喜比佢，就入返閘
之後佢見到我,,,我地就坐系地鐵站入面D坐位
咁佢都訓左系我膊頭一陣

之後佢就要返屋企
返到屋企佢就突然話：唔知點解又有返好唔開心既感覺
之後又話好多野...包括話想分手..

我真系以為佢唔再愛我...
我好驚就搵我朋友求救下,,,
希望佢教到我點令我女友唔好咁樣...

之後我fd就叫我比部手機佢
佢就比左個信息我女友
我果陣唔知系咩,,,後來我女友傳比返我睇...我先知原來我fd比果個信息系話做返朋友...

第二日，我就叫我朋友向佢道歉...

之後我果日夜晚2點幾我都無訓，一直比信息佢...直到第二朝6點都無停

到左今日我打比佢問佢...佢話的確對我仲有感情...
我問佢，咁你對我有咩唔滿意呀?
佢就話，我都唔知...
遲D先再傾好冇...

之後話有人搵佢，收左線....
後來，我再打多次比佢...
傾一陣，佢又話有人搵佢收線...

到依家...我再無搵佢...

到底我可以點追返佢...???