✔ 最佳答案
恕我直言, 如有冒犯先同您講聲 sorry:
1. 酒吧識, 要換畫唔難
2. 您係好煩好黏身, 未同您訓厭之前絕對當您好老婆, 日子耐左您都真係幾難頂下
3. 1-2年已經到老夫老妻地步, 試問仲邊有新鮮同刺激感, 娶左您咪仲大鑊
其實呢d野係要一放一收, 佢而家氣都抖唔到。 每個人都要有一丁點的私人空間, 唔係凡事都要向您交代, 您只係女朋友罷。
評情而論, 您日日管接管送, 目的係要睇實佢驚佢去滾唧, 唔代表對佢好同關心。 有時做任何野都要顧下對方感受。 男人只鐘意善解人意的女人 (適當時候幾時出現, 幾時消失, 幾時出聲, 幾時收聲), 唔係單單一齊食一齊訓 (呢2個動作是但1個女人都得)。
個人認為佢想同您分手好耐, 一開口可能怕您更顛唔知會做d咩傻事, 一方面又唔想做衰人, 始終係佢追您先。
您話唔想次次都係咁分手...... 真係要檢討下管到個男人慘過坐監的壞習慣。
而家 A 仔播緊的好老婆大聯盟您認真要睇, 故事中3個偷食的老公係好可惡, 衰到貼地。 但佢地果3個老婆都有責任, 搞到呢3個男人要出去抖氣。 最後..... 留番比您自己睇, 就會有一點點的領會。