✔ 最佳答案
我嘅意見有人答左 -- 可以 ~
不過我同佢有唔同嘅係, 自由腳, 如果你唔係一開始就發盲力, 好難傷的.
收線條係要做帶氧運動, 而且長時間重複消秏, 唔係叫你好似泳會咁操速度.
慢又可以感受下點游先最去水,
慢, 對健康, 同初學者都係好事.
我膝蓋傷到醫生叫我唔可以再跑步, 我而家跑一次 5km痛一星期, 10km痛成個月,
但自由腳一d 事都無.
我今個星期先打左 100個 50m 塘 (共 5000m 自由腳)
都未有事, 唔覺痛.
剛剛星期日先有位伯伯喺屯門游泳, 用 2小時45分只用自由腳, 去左 5000m ..
佢速度好快, 唔係一般人可以做嘅目標,
不過一位伯伯都無事,
只要平常人唔係唔自量, 無發盲力, 自由腳傷極有限的.
只要你唔係依賴膝蓋太多, 膝蓋唔係無留力由得佢去水底 (咬), 主要依賴大腿 及 pat pat 踢水, 腰側 及 腹肌協助, 就可以收腰收腹收大腿收 pat pat.
同時腳板登後用埋力, 踢水時 d 水撞擊, 而你仲要保持登腳板, 亦會收小腿
四式之中, 蝶 / 蛙, 收下身嘅效果遠不及自由腳, 背泳同自由式相約, 不過背泳收 pat pat 多 d , 腹部少 d.
而蛙式出名傷腳, 我極留力, 只係做樣, 去游 100m, 膝蓋已經痛左成星期 ..