✔ 最佳答案
逐樣講:
食野果陣 食物就落係食道 一直落落落到胃
食道只係其中一條分叉路
仲有另一條路就係氣管 會通去肺部(好似係)
係. 咽喉有兩個出口, 前有氣管[用手摸頸就摸到]後有食道.
咁食物有冇可能落去氣管 即係趺左落個肺到??
會. 有時會 [吞錯格], 飲水吞錯格叫做 [濁親], 食野吞錯格叫做 [鯁親].
咁點算 洗唔洗開刀拎番個食物出來
通常吞錯格既反應係咳, 一咳, 個肺[噴]出空氣, 將食物向上噴番出來. 急救者就可以從後用手圈住佢小腹, 向上[擢], 令肺噴出氣, 噴走鯁塞物.
如果噴唔走, 會窒息-->昏迷-->死亡. 幾分鐘就死得人, 等唔切做手術.
另外傷風藥係咪係胃到分解 之後由血液 運送到肺 氣管 消滅病毒
定係點=.=??
係. 其實d血會將藥物運到全身所有器官, 邊度有傷風菌就邊度有作用. 同時, 亦會令個腦昏昏欲睡, 抗生素更會令身體每個細胞既線粒體中毒. 因為口服藥係全身走, 我地無法將佢局限係有病既器官, 亦所以西藥有咁多副作用囉.
另外就係 痰究竟係氣管形成定係肺到形成??
睇情況. 你氣管感染咪氣管有痰囉. 肺感染咪肺有痰囉.
肯定既就係 你咳舊痰係由氣管飛出黎 到達口腔
咁其實吞番落去 都係落番去食道>胃 唔會落番個肺到啦
咁胃酸又殺得死個痰d細菌
通常胃酸殺得死d細菌. 不過, 有時因為吞落胃既細菌太強, 或太多, 死唔晒, 細菌就可以係你既腸胃作惡. 通常呢d情況叫做 [感冒菌入腸].
點解d人仲要吐痰出黎??
感冒菌入腸, 會變成腸胃炎, 又痾又嘔, 加上原本既傷風鼻塞頭重重, 你真係有需要令自己病成咁咩?
--胃潰瘍個隻元兇 唔知咩桿菌
點解可以連胃酸都殺唔死?
幽門螺旋桿菌, 係強酸既環境下生存, 離開胃部反而會唔適應添. 每種細菌各有特性, 不可以一概而論.
--胃酸既然=強酸 點解個胃冇事
胃會分泌一層黏膜保護胃壁, 甩左d又分泌一d, 所以胃唔會消化埋自己.
胃酸倒流果陣 上番去果陣咪會整傷食道lo??
係. 胃酸倒流有時會叫做 [火燒心], 因為食道冇黏膜, 胃酸倒流會引致食道灼傷, 感覺好似比火燒.
傷風會咳係因為個肺想將異物(細菌)咳出來??
唔係. 傷風令呼吸道紅腫=唔舒服, 有痰=阻住呼吸, 所以身體既反應就係想咳走d唔舒服, 咳走d痰. 所以, 食左止鼻水既藥, 鼻水不倒流, 可以減少唔舒服, 所以減少埋咳. 個xx傷風素廣告講既係真架.
傷風菌入到肺部??
佢係可以係你身體周圍走既. 傷風菌一般係感上染呼吸道. 走到入胃就係腸胃炎, 去到支氣管就係支氣管炎. 去到肺就係肺炎, 上到腦就係腦炎.
病既名係根據病既器官而定, 而用藥就要根據菌既種類來用. 所以, 就算有肺炎定係腸胃炎病徵, 只要化驗結果係果種菌, 就會用番對應既藥.
亦所以唔係個個流感都啱食特敏福. 唔係H1N1, 食左都未必有效. 所以要化驗左隻菌係咩先知道用咩藥最好.
