他是否真的不再愛我??

我之前係網上識左一個男朋友，拍左兩年半拖，起初關係真係好到不得了。正可能因為佢起初對我太好，所以後黎佢有少少鬆懈，我就發脾氣或撒嬌咁話佢唔好，要佢哄我。起初佢都好努力咁哄返我，但近呢半年，佢唔單止少左哄我，有時仲會發返我脾氣，唔聽我電話。其實有邊個女仔唔中意自己個男朋友哄自己，我都知自己果時過份左，依家開始彌補。
大概上個月到，佢屋企火燭，雖然人就冇事，但屋企既經濟就陷入困境，佢發我脾氣既次數就愈黎愈多，亦愈黎愈不可理喩。我哄得一次，兩次，三次．．．我都開始好累，心情都比佢影響到。而佢屋企人更以為係我放火，就令我更加困擾！（因為前一晚我係佢屋企過夜，我第朝起身出門口已經冇哂人係度，我大概２點幾到出門口，佢屋企３點到就火燭）但我可以100%話我冇放火，警察都話係應該漏電，都冇查。
而我男朋友既精神狀況好唔穩定，佢成日無啦啦覺得我想害佢，但事實上我乜野都冇做過。一時又同我講話分手都冇咩所謂，一時又話唔準分！一時又話自己精神情緒好唔穩定，一時又話自己好正常。成日用自己個頭撞埋"長"果度，仲話好舒服，但話左一陣之後，又話自己根本冇可能咁做。佢仲話過依家同我出街就好似on duty咁。有時我係電話度諗住撒下嬌，佢就話「係咪發脾氣呀？發脾氣就收線架喇！」。連我喊，佢都冇反應。係電話度喊就仲衰，即刻收線。一時又話對我死左心，一時又懶係緊張我咁．．．我都就黎比佢玩死。

我依家剩係想知，其實佢係咪已經唔愛我？
佢屋企火燭，我係咪應該比佢靜下先呢？
佢屋企人以為我放火，我解釋過都好似冇乜用咁，我應唔應該遲少少再解釋多次呢？
其實我真係好愛我男友，但佢變成咁．．．佢係咪真係精神有問題．．．？

多謝各位解答！