請教教我T~T

首先你要學識欣賞下你個男 fd 嘅技巧，同背後套潛規則。佢擺明車馬話玩你，但又不斷話鍾意你，咁即係點？呢種藝術叫做「曖昧」。曖昧有咩好呢？你咪係樣辦囉，你陷入某種忐忑不安嘅情緒，完全唔肯定佢係咪真係鍾意你，right？就係呢種忐忑不安嘅掙扎，令你情陷更深，久而久之會好難自拔。當佢喺你心目中嘅地位遠高於你喺佢心目中嘅地位，咁喺呢段關係之中邊個有優勢呢？邊個要聽邊個話呢？好顯淺啫，唔使講啦。換著係你個男 fd 請教我，我都同樣會教佢深化你地間嘅曖昧啦。

當你完全受控喺佢手中，咁你就乜都冇得講同做。佢可以選擇要唔要你，幾時要你，幾時飛你。佢重可以為所欲為，有第二個，因為你嘅容忍底線會非常之低。你好快會冇左自己。

即使你覺得完全受控於佢手中都幾享受（反正到時可能你覺得有佢就萬事足），你都應該考慮到咁嘅結果會令佢更易唔要你，因為佢都完全駕馭左你，你唔會再滿足到佢嘅征服慾。愛情係好神聖，但無可否認征服慾確係佢嘅一種成份。


好，theory 講夠。咁即係要點做呢？
首先你要知你想點囉。你好清楚自己「都幾鍾意佢」啦，但呢個只係感覺。問題係點樣喺自己感覺之上，行一條令你最幸福嘅路。你要清楚考慮自己嘅目標。

如果你嘅目標係，佢點玩你你都覺得好幸福嘅，有佢喺度就夠，咪乜都應承佢囉。但你要承受以後嘅一切 risk。正常人都唔會咁揀。

如果直覺話你聽，唔應該埋佢身，咁就決絕啲，唔好畀佢煩到你。你應該要記得女人嘅直覺好神準（呢個係天擇演化結果，有科學解釋），佢叫你走你就唔好遲疑。

如果你係想同佢建立一段對等嘅關係的話，你就要學習下點樣拒絕佢不合理嘅要求，同埋有自己嘅睇法，唔好輕易受人控制。

咁唔代表你要起哂 gong，要同佢撐恆，凡事要駁佢。而係話你要有自己嘅思想、目標同期望。你要同佢對等咁 bargain，你要誠心誠意咁同佢分享你嘅睇法，包括你嘅不滿，而唔可以畀佢壟斷哂所有話事權。

去到呢點，選擇其實好多，因為兩個人之間理論上係可以有無限種對等嘅相處方式，只要你覺得 OK 就得喇。以你嘅處境，你可以選擇嘅有兩大類。


1) 同佢玩呢個曖昧遊戲

佢曖昧，你同時都玩曖昧囉，大家鬥玩有何不可？比較獨立、自信、有智慧嘅人，較傾向於選擇呢個 option。曖昧遊戲好玩在於，佢講策略，同埋幾時都有變數，佢滿足到勝利嘅滿足感，佢可以幫你淘汰到啲唔夠自信同智慧嘅 unfit 人選（尤其是太易受人控制嘅），當然你都要冒畀人淘汰嘅 risk 啦。最終大家兩相情願的話，曖昧會成為進入熱戀嘅過渡期。

呢個 approach 度，你係抱觀望態度，佢選擇你時你亦選擇緊你，唔好令自己落下風，記得自己有放棄佢嘅自由。


2) 避開，向佢直講你唔鍾意

你唔鍾意呢種曖昧，就應該直講畀佢知道。你要畀到個 signal 佢：如果佢真係重視你，就唔好咁樣玩。相信你之前都冇清楚咁表達過，因為你連自己點諗都唔係好清楚。但如果你喺呢刻，覺得有問題，that's fine。
書到用時方恨少，要良好溝通就要有良好嘅中文。表達你對呢種曖昧嘅不滿，用你自己由衷嘅語言就最貼切。否則通常亦有以下基本句式：「你畀唔到安全感我」、「你咁玩玩下，我擔心同你一齊之後會 get hurt，你明唔明？」、「我真係唔知你幾時講真幾時講假囉」
如果佢真係著緊你，佢實會去爭取你嘅安全感。如果佢丟低句「咁算啦」走左去，咁你就應該知你顧慮得有道理，亦應該知以後點行落去。

總之，喺第二個 approach，你要做嘅係真誠表白自己，畀機會佢去解決你嘅顧慮。解鈴還須繫鈴人，你有顧慮都係因佢而起，亦只有佢可以幫你去 solve。


當然你可以選擇不了了之，但如果你「都幾鍾意」佢，呢個 option 絕對冇上兩者咁好。冇乜反應就顯得你冇自己睇法，甚至歡迎佢同你曖昧甚至玩你。如上述，咁嘅話佢遲早可以令你受控制，令段關係變得不對等。


P.S. 其實如果你有用 yahoo 係唔使專登開個 account 問，呢度有得匿名同改名

佢鐘意你，但你不是他最鐘意那个
你可以試下同佢開始，然後把這份鐘意變成愛

你唔知佢係唔係like你,驚佢玩你,你可以玩番佢,話你都like佢.

本人都試過比人拒絕，不過佢係好間接同我講，我鐘意左佢仲

有2個月就一年(你地可能唔信，唔緊要)，我相信有信心，會o

k。