隻倉鼠點解會死?

好抱歉知道你既鼠鼠離開左,希望你唔好太難過A.唔知鼠鼠死既時候同之前有咩異常?放出去既時候有冇陽光?鼠鼠死得突然,而又係放左出去之後死亡,較似係中暑,鼠鼠係好怕熱,完全唔曬得,反而留在屋內,22度係冇咩問題,當然開冷氣前後既溫差都唔可以太大,唔係就易會冷親

突然死亡又冇咩特徵,多數會係中暑及以下既可能:
1.中暑
鼠鼠係好怕熱既,而家天氣熱,所以鼠鼠好易因太熱而脫水,脫水係好快可以致命
野生既鼠日頭熱可以呢埋源既地底,而寵物鼠就在地面,所以夏天既日頭係鼠鼠既大敵,一定要小心處理
脫水及中暑特徵:
a)行得好慢
b)行路趺下趺下
c)身體發抖
d)呼吸困難
e)甚至摸佢都冇反應
熱天要留意既事可參考:
http://hk.knowledge.yahoo.com/question?qid=7009061900335 第2點

2.鼠用品及日常問題
a)有味廁所沙,又或係有味木糠or沖涼粉之類都會有問題,因為呢d易令鼠鼠過敏,嚴重過敏係會致命
b)個籠會唔會有野整親鼠鼠?內傷有時未必睇得出,但又好易好快死
c)有冇同鼠鼠用過水沖涼or濕過鼠鼠?鼠鼠濕水好易感冒or令身體弱

3.受驚受壓
如果有第隻鼠既話,可能係有打交o既問題,鼠鼠係獨居動物,天生習慣獨自生活,強行改變鼠鼠既天性,會令鼠鼠感到壓力;而如果有d咩令鼠鼠受驚都一樣,鼠鼠對壓力係好敏感,受驚會引起疾,亦有可能會嚇死

4.食錯野or亂用藥
唔知有冇俾D咩鼠糧以外既食物俾鼠鼠?有冇用過D咩藥落鼠鼠度?
1)其實只係俾混合主糧同時都可以加d鼠專食既牧草or草磚已經好足夠,亂俾野俾鼠鼠食易令鼠鼠內臟受損,如果係俾過蔬菜,就較擔心有農藥而毒死鼠鼠
2)維他命營養水之類胡亂服用既話,亦有中毒既可能,有d維他命係唔可以過量既
3)唔好用人既藥物用落鼠鼠度,人同鼠既體型相差好遠,唔好以為外用就冇問題,人都會因搽得太多外用藥而死既,加上鼠鼠仲好易會舔添,最初可能會有功效,但不知不覺地會傷害到鼠鼠身體,甚至因鼠鼠舔完而毒死

5.肥胖
唔知鼠糧同草俾過咩俾鼠鼠食呢?胡亂食野易令鼠鼠體內出現問題,而肥胖亦易誘發疾病,所以建議鼠糧及草以外都唔好俾鼠鼠食其他野,特別係人既食物

6.體內腫瘤
體內既腫瘤一般都好難發現,鼠鼠初有腫瘤多數生活上都冇咩變化,而鼠鼠既新陳代謝快,有病可以好急,兩樣加埋,就有機會出現有腫瘤都唔知既情況下就死

另外,如果會再養鼠既話,揀鼠要留意,養前要考慮既事及飼養方法可參考:
http://hk.knowledge.yahoo.com/question?qid=7009062502420

倉鼠係絕對唔可以拎出去陽台,因為倉鼠曬一曬太陽都會死(要記得倉鼠係夜行性動物)。日頭係休息既時間,佢睡覺時唔好嘈佢啊!
我諗呢個就係你隻倉鼠死左的原因。
(倉鼠係獨居動物,千祈唔好混養,唔係會打死。)

哽係啦,
一時冷一時熱,
仲要個溫度相差咁大
唔死都其~

可能你間房開22度，出面30度左右，一冷一熱可能佢不習慣就死了!