我部冷氣機滴水, 比人投訴, 可以做都做o左, 唔知點好?

我覺得你已經做咗要做嘅野，同埋最緊要俾房署知道同明白你已經做咗野。
我覺得你要問清楚房署，而家樓下仲有什麼投訴，同埋呢 D投訴是否合理，唔好給他們誤導，浪費金錢同精力。你樓下講你冷氣機d水搞到佢d牆起哂泡，係外牆定內牆，如果係外牆，根本外牆唔屬於住客，屬業主範圍（即房署），唔關樓下住客嘅事，無得投訴，如果係內牆起哂泡，重衰，一係佢自己間屋嘅牆有問題（佢嘅問題），一係外牆漏水（房署嘅問題），要你做野，首先要房署攪清楚係邊個問題先。
如果你而家做野，一方面唔知點做，二方面做完可能仲係有投訴，我覺得你要企硬，攪清楚是否你的問題，真係要做的話，捉住房署，要求佢教埋你點做（當然係要合理做法），做完就唔好再支支左左。
要企硬，唔好因為一些不合理的投訴影響奉公守法的住戶。

首先你一定係唔岩,就算將水沿牆而下,做法都是錯,正確做法是將引進室內排水管.

冷氣機滴水係由食環署負責,而且係定額罰款($10000/$200每日),冇任何理由可以脫罪.

如你有花槽的話可以用軟喉接至花槽去水；有 "騎樓" 的話可以用軟喉接至室內有去水位置，或用器皿承水，但要定期倒水，另外更要於玻璃窗或墙身開一缺口使喉管可由室外接至室內。